دعاء فاروق: الراجل اللي هيدخل يقول كلمة مش مظبوطة هشوطه.. أنا مش بيفرق معايا مخلوق

علقت الإعلامية دعاء فاروق، على تعليق بعض رواد مواقع التواصل الاجتماعي على صورها، عبر صفحتها على موقع التواصل الاجتماعي «فيس بوك».

وقالت في منشور لها، عبر «فيس بوك»: «عشان نبقي علي نور يا جماعة ومفيش ست تدخل تلاقي جوزها بيتهزأ عندى فتزعل .... أي راجل هيدخل يعلق بطريقة غير لائقة ويمصمص لي شفايفه علي أي صور لصديقاتي او اخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر علي شكل او حجاب او لبس هيتهزأ قدام أمة لا اله الا الله».

وأضافت: «ملكش حكم غير علي اهل بيتك وممنوع تدخل تنطق بحرف لا حلو ولا وحش في الحالتين بعمل بلوك ... اللي بيتغزل او بيقول كلام مايع علي شكل او جمال بيتهزأ ويتعمله بلوك زيه زى اللي بينظر ويدخل يحاسبني اني بتاعت البرامج الدينية ويقعد ينظر علي شكل أي حد ويخرجنا من منظومة الأخلاق والدين اللي محاوطاه ومحاوطه اهله فقط الاتنين هيتهزأوا ويتعملهم بلوك».

تصريحات دعاء فاروق:

واستكملت: «مفيش رجالة محترمة تدخل تبص وتتكلم علي شكل اي ست عندى علي صفحتي مهما حطيت من صور كلهم زملاء وسيدات محترمات لابسة ايه او شكلها ايه ده مش موضوعك عشان كرامتك مش هتعرف تلمها .... انا بتناقش مع الستات وبحاول اوصل وجهة نظري معاهم في بعض المواضيع إنما مش بتناقش مع رجالة».

وأوضحت: «الراجل اللي هيدخل يقول كلمة مش مظبوطة هشوطه انا مش بتملق حد ولا يفرق معايا مخلوق تحاسب نفسك الأول علي حياتك ونواقصك قبل ما تدخلوا تحاسبوا الناس علي حاجة مش من حقكم».