أمير مرتضى: أسامة نبيه عنده «DNA الزمالك» وهنقدم مدير فني كبير للكرة المصرية

حرص أمير مرتضى منصور المشرف العام على الكرة بالزمالك، على توجيه رساله للبرتغالي المدير الفني السابق للفارس الأبيض، ولأسامه نبيه الذي تولى القيادة الفنيه للفريق بدلا منه.

وقال أمير مرتضى في مداخله هاتفية ببرنامج “زملكاوي، عبر قناة “الزمالك”:” بشكر فيريرا والجهاز المعاون له، الفترة الأخيرة مكنش في توفيق، هم فرحونا السنة اللي فاتت هو عمل المستحيل بامكانيات اقل، فتقلبنا للتعثر كان غير مقبول لإن مفيش فرقة كبيرة هتتحمل تخسر عدد نقط كبير والخروج من الكأس وتخسر من الأهلي”.

وأردف:” ده لاينتقص من تاريخ فيريرا، أو مجهوده مع الزمالك، وجهة نظري إننا بنخسر كرة والفترة الأخيرة كان في سوء توفيق، وعلى المستوى الشخصي اتشرفت إن اشتغلت معاه، وكان عنده صلاحيات كبيرة ومطلقة، واخد دعم محدش أخده.

وشدد مرتضى: “ما حصل من اخفاقات كان كثير، وبتمنى له التوفيق وهيفضل رمز تدريبي كبير وحفر اسمه في تاريخ الزمالك بالفوز بـ2 دوري و2 كأس”.

وواصل:” كابتن أسامة كان بيحاول يشوف شغله مع فيريرا، وهو مكنش بيحب يتعاون مع الجهاز المصري،كان بيستمع فقط للأجانب، وكابتن أسامه احترم رغبته في عدم السماع لوجهة نظره وتقدم باستقالته.

واختتم: “كابتن أسامة طلب يمشي لإن مكنش له دور وعنده Dna الزمالك، وعنده كل المقومات اللي تخليه مدير فني وعنده خبرات من العمل في المنتخب مع كوبر ومع فيريرا، وولاد الزمالك هيبقوا أكتر ناس عارفة المشاكل والتفاصيل، وممكن الظروف الصعبة هتخلق مدير فني كبير هنقدمة للكرة المصرية، وبتمنى له التوفيق”.