سعد الصغير بعد اتهامه بقتل ابنته: اتمنى ربنا يسامحني عايز أصلح اللي عملته|خاص

حصل موقع بصراحة الإخباري على تسجيل صوتي للمطرب الشعبي سعد الصغير وهو يترجى من الراقصة شمس طليقتها السماح، بعد قتل ابنته.

وقال سعد الصغير: أنا عارف إن ربنا مش هيسامحني على البنت اللي اتقتلت دي.. بس سامحيني أنتي عايز أصلح اللي أنا عملته فيكي.. متحرمنيش إن ربنا يسامحني.

وكانت قد كشفت الراقصة شمس طليقة الفنان سعد الصغير، المستور عن المطرب الشعبي، بعد أن هددها بالقتل هي ووالدتها وقتله لنجلتها الصغيرة، مشيرة إلى أنه ليس انسان طبيعي ويتعالج من الإدمان.

وقالت الراقصة شمس في تصريح خاص لـ موقع بصراحة: سعد الصغير بيتعالج في المصحة وواصل لأعلى درجات الإدمان، وبحذر أي بنت في مصر واي حد بيتعامل معاه، إن سعد شخص كذاب ومؤذي.

وأضافت: سعد كان ممضي واحده على عقد جواز بالاكراه واخد منها كل فلوسها، أيام أغنية سعد سعد يحيا سعد، وكان بيهددها وبيزلها وكان بيصورها عريانة، غير الفضايح التانية، أنا عندي أسرار لو قولت حاجه منها مش هخليه عايش.

وواصلت: سعد ده عار على الفن بيطلع قدام الناس يقول أنا عامل جامع، وقال الله وقال الرسول وعامل نفسه بيساعد الغلابة وكل ده شو اعلامي، هو فاكر إن الفضايح شئ اعلامي، ومفكرها نجومية، ده واحد كبر وخرف ومعتش حد بيسمعه عشان كده بقى شغال على الفضايح.