بيعملي سحر علشان يشوفني حلوة.. زوجة تستغيث من زوجها في محكمة الأسرة

كانت مواجهة قاسية أمام المحكمة حيث استغاثت زوجه من زوجها أمام القاضي في محكمة الأسرة، مؤكدة أن زوجها لم يتزوج بها عن حب وإنما رغبة في مصاهرة والداها لتحقيق مصالح شخصية مستغلن إياها مما دفعه للقيام بعمل سحر لهاوأخذ ملابسها الخاصة للدحال لفعل السحر بها حتى يتمكن من رؤيتها جميلة عكس الحقيقة حتى لا ينفر منها ويتمكن من العيش معها

جوزي شغال في مصنع ملابس

وقالت الزوجة فينبرة حزن أن زوجها بدء العمل مع والداها منذ 5 سنوات في مصنع ملابس وخطط للزواج بها من أجل تحقيق مصالح شخصية والاستفادة من والداها بسبب سمعته الطية وحاله الميسور واستغل حب والداه له والثقة به وخداعة وفورا بلوغي سن العشرين تقدم إلي لتحقيق أغراضه وجاءت الموافقة سريعاً من والدي بسبب حبه الشديد له وفي وقت قليل تم الخطوبة وسريعاً تم كتب الكتاب.

هدومي بتختفي

وأستكملت الزوجة :" بعد الجواز كانت بتحصلي حاجات غريبة وحاجات كتير من لبسي كانت بتضيع والاقي مكانها هدوم تانية مش بتاعتي وفي كل مرة كان يحصل كدة كنت اسأل جوزي " بتاعة مين الهدوم دي وأية اللي جابها هنا ؟" كان يرد عليا ويقولي " ده أكيد لبسك وأنتي اللي ناسياه " لدرجة أني كنت فعلا بشك في نفسي وأوقات تانية كنت باخد الهدوم دي واروح اوريها لأخواتي او أخوات جوزي يمكن نسيوها عندنا لكن مكنتش بتطلع بتاعة حد منهم ".

جوزي بيشرب سحر

واختتمت الزوجة حديثها :" جوزي فضل فترة كل يوم بيشرب حاجة غريبة شبه الأعشاب وبيخبيها في دولابه ولما شوفتها كذا مرة اتحرجت ومقدرتش اسأله عليها لأن قلبي حس أنها حاجة شبه الأسحار والأعمال لأنها لو كانت حاجة عادية كان شالها في المطبخ لحد ما خدت شوية منها بدون علمه وخبيتها في شنطتي وسألت عليها ست كبيرة جارتنا وبتفهم في القصص دي وجارتي دي دخلت جوايا شكوك غريبة ناحية جوزي وأكدتلي أنه سحر ومعمول بقاله فترة كبيرة خصوصا بعد ما حكيتلها أن في هدوم بتختفي مني وبلاقي هدوم تانية مكانها معرفهاش رجعت البيت وفضلت مستنية جوزي يرجع من الشغل عشان اتكلم معاه ولما واجهته وهددته أنه لو معترفش وقالي أية الحاجة دي وبالتالي وقتها هطلب الطلاق وبالتالي هيسيب كمان شغله مع والدي خاف وقالي " ده كان سحر خفيف ومش مؤذي عملته عشان تعجبيني وتبقي حلوة في عيني " حسيت بالكسرة وقتها واتقهرت أن جوزي اللي افتكرته بيحبني طلع مش بيشوفني جميلة وبيعملي اسحار وطبعا كل ده عشان يطيق العيشة معايا ويفضل بيستفاد من مصالحه مع والدي طلبت منه الطلاق ومرضيش يطلقني فجيت رفعت عليه دعوي خلع في محكمة الأسرة ".