أحمد عيد تعليقًا على تصريحاته الأخيرة: أنا مش مظلوم ولا عايز أبان بشتكي.. ومش فارق معايا اشتغل أصلا

علق الفنان أحمد عيد، على تصريحاته الأخيرة خلال حضوره في حفلJoy Awards، بشأن اختفائه خلال الفترة الماضية عن الساحة الفنية.

وقال خلال منشور له عبر صفحته على موقع التواصل الاجتماعي «فيس بوك»: «مساء الفل..لقيت تصريح متأخد من سياقه من كلام كان بيتقال بهزار، أنا حابب أوضح إني مقصدش اشتكي ولا أبان عندي مظلومية».

وأضاف: «أنا الحمد لله بيتعرض عليا شغل كتير وأنا اللي مش عايز اشتغل غير اللي شايفه كويس، احترامًا لنفسي وللجمهور، أنا مش فارق معايا اشتغل أصلا أو مشتغلش».

تصريحات أحمد عيد:

واستكمل: «المهم أعمل اللي أنا مقتنع بيه، أنا ماديا مش محتاج ولا عندي مشكلة الحمد لله وكلامي بيتحور أحيانًا عشان أبان بشتكي أو مظلوم ليه مش عارف».

وأوضح: «وبالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن، ليه وسايب دقنك وشنبك ،عايز أقوله إن بس ده "راكور" عشان بصور حاليا وبجد بشكركم كلكم على رسائل وبوستات الدعم والمحبة».

مشاركة أحمد عيد في حفلJOY AWARDS:

كان حرص الفنان أحمد عيد على المشاركة في حفل JOY AWARDS، وعبر عن سعادته للمشاركته في الحفل، مؤكدًا أنه حضر إلى السعودية منذ 20 يومًا.

وقال في تصريحات صحفية، إنه تفاجئ بدعوته على الحفل، مضيفًا: «أنا مبقتش موجود على الساحة.. واتفاجأت بدعوتي لـ حفل joy awards وفرحت جدًا انهم افتكروني، ونفسي آجي تاني».