ياسمين عز: زوجك الأهلاوي معاكي على الحلوة والمرة والزملكاوي يعشق المتعة

قدمت الإعلامية ياسمين عز، في بداية برنامجها "كلام الناس" المذاع عبر قناة "إم بي سي مصر"، نصائح للستات قبل مباراة الأهلي والزمالك غدا.

وقالت ياسمين عز: "الزوج الأهلاوي أصيل وعمره ما يتخلى عنك في يوم مهما كنت مضايقاه ومنكدة عليه، واخد عهد على نفسه في الحلوة والمرة معاكي".

وتابعت ياسمين عز: "مش بيرضى غير بالمركز الأول فلازم تكوني بريموا في التعامل معاه، مش بيفرق معاه بتطبخي ايه وشكل السفرة عامل ازاي المهم انه يكون شبعان على الآخر".

وأردفت: الراجل سواء زملكاوي أو أهلاوي مفهوش عيوب، وكلهم طعمين وهايلين، متابعة:" الزملكاوي عمره ماهيخونك وعنده وفاء وإخلاص عمرك ما هتلاقيه، وأقل كلمة تفرحه، ويعشق المتعة بصرف النظر عن النتيجة".

واستطردت:" لو لاقيتي جوزك سرحان أو مش مركز معاكي متقلقيش بيفكر في جدو فيريرا مدرب الزمالك مش بيفكر في واحدة تانية".