بسبب جوزها ..قصة ريهام اول ست تعلم البنات السواقة بالغربية..جوزي من عائلة معروفه وكان ميسور الحال لكنه صرف كل فلوسه على الستات وكل شوية بيتجوز واحده

علشان جوزي ضيع فلوسه علي الستات نزلت أشتغل هكذا بدأت ريهام السيده التي تبلغ من العمر 42عاما حديثها مع "موقع بصراحة الاخباري" قائلة : انا ريهام عندي ولدين الكبيره بنت اسمها اميرة في الصف الثالث الثانوي ، والثاني أحمد في الصف الثاني الاعدادي.

أضافت ريهام انا قررت انزل اشتغل علشان اولادي ومتطلباتهم لأن جوزي رغم أنه من عائلة معروفه وكان ميسور الحال لكنه صرف كل فلوسه على الستات وكل شوية بيتجوز واحده ، دا كان سبب في ضياع فلوس.

خطوات تعليم السواقة

صرحت ريهام في حوارها ل "موقع بصراحة الاخباري" عن خطوات تعليم السواقة للبنات ،يتضمن الكورس من 5 ل 10 حصص اليوم الأول نظري يشمل طرق تعليم السرعات بين الثاني والرابع والخامس ،ومسميات اجزاء السيارة من الدركسيون و الدبرياچ و البنزين ، ومن اليوم الثاني حتي الاخير طرق التحكم في الإشارات والتمكن من القيادة .