«قتلها واللقمة في بوقها».. ننشر اعترافات المتهم بأزهاق روح عمته لسرقتها ببورسعيد| خاص

حصل موقع بصراحة الإخباري على نص اعترافات المتهم بقتل عمته بحي العرب القديم من أجل سرقتها،في جريمة بشعةهزت الشارع المصري أواخر العام الماضي 2022.

وتعودأحداث القضيةإلى يوم 2 من شهر أغسطس عام 2022 الماضي، والتي وقعت أحداثها بدائرة قسم شرطة العرب، والتي يواجه فيها المتهم أسامة س ح م والذي يبلغ من العمر 42 عامًا، تهمة قتل عمته المسنة أم هاشم حسنعمدًا.

اعترافات المتهم بقتل عمته ببورسعيد

فقد اعترف المتهم بعد إلقاء القبض علية بما اقترفتهيداة من ذنب تعود أحداث الواقعةلشهر أغسطس الماضي لعام 2022 بحي العرب بشارع الزقازيق والبلدية.

ليسرد المتهم حيثيات الواقعة، قائلا:"اللي حصل إني كنت قاعد من غير شغل ومش معايا فلوس وروحت لعمتي يوم الاتنين 8/1 قولتلها اني عايز 200 ج ادتني 100 وقالتلي تعالا بكرة خد ال 100 التانية روحت لها تاني يوم حسب اتفاقي معاها"

وأضاف: تاني يوم الصبح روحتلها البيت وخبطت عليها فتحتلي الباب وكانت بتفطر وقالتلي تعالا افطر معايا، قولتلها أنا مش جعان فين الفلوس زي م اتفقنا، قالتلي انا لسه مقبضتش.

وتابع: وقتها كانت قاعدة مدياني ظهرها وبتاكل لمحت البوك بتاعها على الترابيزة مفتوح قمت واخدته لاقيت فيه25 جنية اخدت بالها وقالتلي بتعمل اية هصوت وألم عليك الجيران كانت وقتها لابسة خمار زيتي فاتح شديتها منه وحاولت اسكتها منفعش قمت شديته بقوة ب ايدي اليمين وقعت على الأرض بالكرسي وكانت بتطلع في الروح.

سر الحلق والدبلة وال500 جنية

وأردف: بعدها طلعت أجرى في الشقة ادور على اي حاجة فتحت الدولاب لاقيت خاتم وسلسلة فالصو وفي الدرج لقيت500 جنية اخدتهم وبعد م ماتت قلعتها الحلق والدبلة واخدت تلفونها السامسونج بالعلبة وقفلت الباب ورايا وطلعت أجرى.

وأتم:بعدها طلعت أجرى على السلم ونزلت في الشارع وروحت قعدت على قهوة في الزهوروأنا مش مستوعب اللي حصل، بعدها كلمت واحد صاحبي قلتله انا معايا تلفون عاوز ابيعه علشان اجيب اكل قالي اروح لحد واشتراة مني ب 450 جنية والذهب كلمت واحد صاحبي بيقف على فرش قالي قابلني الساعه ٧ بليل ولاقيتة جايب معاه وحدة ست دخلت الصاغة في شارع أسوان وقالتلي الدبلة ب 4500 جنية قلتلها بيعي ساعتها أديت لصاحبي 400 جنية وليها 200 جنية وبعدها اتقبض عليا.

عرض المتهم على الطب النفسي

يذكر، أن الدائرة الثالثة بمحكمة جنايات بورسعيد، كانت خلال نظر الجلسة الماضية قد استجابت لمطلب هيئة الدفاع عن المتهمين بتأجيل نظر القضية في جلسة 19 ديسمبر الماضي للمرافعة، بينما رفضت مطلبهم بعرض المتهم علي الطب النفسي والعصبي، وذلك لعدم وجود ما يدعوا لذلك، وكانت قد أمرت خلال الجلسة الماضية باستمرار بحبس المتهمين الثلاثة، وهم القاتل ومشاركين في بيع المسروقات للعرض خلال جلسة اليوم.