إعلامية عن ياسر جلال: احنا بنحب نعترض وخلاص.. والتبرع مش فرض على حد

أعربت الإعلامية سهير جودة، عن استيائها الشديد، من هجوم المصريين على الفنان ياسر جلال، بعد إعلان الأخير تبرعه بمبلغ مالي كبير لصندق تحيا مصر، دعما لبلده مصر في ظل الأزمة الاقتصادية التي يمر بها العالم، موجهة الشكر للفنان ياسر جلال.

وأضافت سهير في برنامجها الذي يحمل اسم «الستات»، والمذاع عبر فضائية «النهار»، أن ما يحدث الآن يؤكد أن المصريين أصبحوا أعداء انفسهم، قائلة: «مستحيل يكون في أي تفسير تاني اننا أعداء نفسنا، احنا بنحب نعترض وخلاص، نعترض من اجل الاعتراض، ياسر جلال بجد قدوة، وهو اتبرع في هدوء، مكلمش صندوق تحيا مصر وقالهم انا هتبرع، كانت مفاجأة ليهم».

تصريحات سهير جودة:

وأشارت سهير: «أحنا طول الوقت معترضين، لكن اللي عمله ياسر جلال بعيدا عن تطرف تفكير بعض الناس، هو رسالة مهمة جدا ودعوة لكل الفنانين المصريين، ولكل القادرين للتبرع، لأننا في مرحلة صعبة، التبرع مش فرض على حد، ده إحساس، اللي عايز يتبرع باي مبلغ يتبرع، اللي عايز يعلن براحته، ياسر مكنش عايز يعلن، لكنه اتضطر».

تبرع ياسر جلال:

وأوضحت سهير جودة: «أنا شايفه أن ياسر جلال كان لازم يعلن تبرعه، لأن دي عدوى، عشان الماس كلها تتشجع وتتحمس، اللي قادر وعايز واللي شايف انه ممكن يتبرع يروح يتبرع، ده مش فرض ولا اجبار على حد، احنا هنا بننتقد الشخصيات العامة لو اتبرعوا، ولو متبرعوش بنقول هما ازاي متبرعوش وبيكنزوا فلوسهم ومش بيفكروا في حد خالص».

https://fb.watch/i2s0bsylFN/