تامر أمين يطالب رامز جلال بالتبرع لصندوق تحيا مصر

طالب الإعلامي تامر أمين، للفنان رامز جلال، بالتبرع لصندوق تحيا مصر، وذبك على غرار شقيقه الفنان ياسر جلال الذي تبرع للصندوق بـ 3 ملايين جنيه.

ياسر جلال يتبرع لصندوق تحيا مصر

وقال تامر أمين خلال برنامج «اَخر النهار» المذاع علي قناة "النهار": "اعرف ياسر جلال من التسعينيات وهو من اجمل خلق الله اللي الواحد بيقابلهم في حياته.. وياسر جلال ملهوش علاقة بأخوه خالص، رامز جنان وفرقعه وهايبره عكس ياسر اللي كله دماثة خلق وأدب وأخلاق وكل الصفات الحلوة ويتحط علي الجرح يطيب".

3 مليون جنيه

وأضاف الإعلامي تامر أمين:"لما يتقال إن ياسر جلال أتبرع بـ 3 مليون جنيه لصندوق تحيا مصر، رامز بقى قلب الأسد ونجم البحر و18 سنة هارينا مقالب يطلع فلوس بقى ولو فلوس مقلب واحد، وبعدين ده أخوك ابن امك وأبوك اتبرع زي أخوك، وأيضا المفترض الفنانين والرياضيين والإعلاميين يتبرعوا للصندوق اسوه بالفنانة ياسر جلال".

وأكمل: "الأزمة هتعدي وفيه اكتر منها بكتير عدى، بس محتاجين كلنا نساعد بلدنا".

صندوق تحيا مصر

وكان الفنان ياسر جلال، أعلن تبرعه بـ 3 ملايين جنيه لصالح صندوق تحيا مصر، وتعد هذه المرة الأولى التي يُعلن فيها جلال عن تبرع وجهة التبرع.

وقال ياسر جلال في بيان صحفي له: "المرة دي بعلن عن الجهة والمبلغ اللي اتبرعت بيه لأني بتمنى إن كلنا نشترك ونعمل اللي نقدر عليه وبدعي زملائي النجوم أنهم يتبرعوا باللي يقدروا عليه، أنا عارف إن في منهم عمل الموضوع قبل كده بس لو عملوا ده تاني يبقي شيء عظيم".

أزمة وهتعدي

وأضاف: "يعلم ربنا أن السبب اللي خلاني أعمل كده هو الأزمة اللي بتمر بيها مصر دلوقتي، أنا راجل لا غاوي شهرة ولا نجومية، أنا بشتغل وبخلص شغلي وبروح أقعد مع مراتي وأولادي، وبعمل ده لأن كلنا شايفين إن البلد بتمر بأزمة كبيرة والعالم كله بيمر بأزمة كبيرة وإن شاء الله الأزمة تعدي لما كلنا نقف جنب بعض".