إنجي وجدان: أمي عقدتي في حياتي.. وكانت مش شيفاني حلوة علشان وزني زايد

تحدثت الفنانة إنجي وجدان عن معاناتها مع زيادة الوزن منذ طفولتها، وذلك خلال لقاءها اليوم ببرنامج "الستات" المذاع على شاشة تلفزيون قناة "النهار".

وقالت: "مامي قررت تعقدني في حياتي بسبب التخن وفضلت تضغط عليا ودخلت في دوامة أن ثقتي بنفسي تتهز.. هي مش شيفاني حلوة زي ما أنا".

وتابعت: "محببتنيش في نفسي فبدأ يبقى ضغط عليا، هي صاحبتي جدًا ولحد النهاردة بتقولي هتخسي أمتى، الضغط الكتير على أطفالكم في الحتة دي بتأثر سلبيا عليهم".

إنجي وجدان: انا في فترة في حياتي كان عندي اكتئاب

وفي وقت سابق، كشفت الفنانة إنجي وجدان أنها كانت تعاني من مرض الاكتئاب في فترة ما في حياتها، وكانت تلجأ لطبيب نفسي من أجل معالجتها.

وقالت إنجي خلال برنامج حكايتي الذي يعرض عبر منصة Girls’ Space: انا في فترة في حياتي كان عندي اكتئاب وانا بحمد ربنا طول الوقت ولازم نحمد ربنا على اللي عندنا واللي مش عندنا واعات للي مش عندنا يبقى حاجة كويسة لينا بس غصب عنك في حاجات مش بتعرفي تتحكمي فيها .

إنجي وجدان: الدكتور النفسي مش بيعالج مجانين

وتحدثت إنجي عن من يتعرضوا للتنمر وقالت: بتبقى حاجة صعبة جدًا بالنسبالهم وبيبقوا في موقف مش عارفين هيعملوا فيه إيه وبنصح الناس أن أحنا لازم نكسر فكرة أن اللي هيروح لدكتور نفسي ده مجنون هي الحمد لله بدأت تتغير شوية بس لسه في ناس بتفكر كده.

وتابعت: الدكتور النفسي مش بيعالج مجانين هو بيعالج مشاكل نفسية وكلنا عندنا مشاكل نفسية ومفيش بني أمد مش عنده مشاكل نفسية وبتختلف من واحد للآخر.

أخر أعمال إنجي وجدان

ومن الجدير بالذكر أن أخر أعمال الفنانة إنجي وجدان مسرحية "كوكو شانيل" التي تم طرحها عبر منصة "شاهد" الإلكترونية يوم 20 من شهر يوليو عام 2021، وكانت تتناول أحداث المسرحية قصة حياة مصممة الأزياء العالمية كوكو شانيل من ولادتها وحتى وفاتها، ويتخلل العرض عدة استعراضات غنائية و موسيقية.