اضحكوا جامد.. تامر حبيب يوجه رسالة شديدة اللهجة لجمهور منة شلبي

وجّه الكاتب والسيناريست تامر حبيب، رسالة شديدة اللهجة للشامتين ومنتقدي الفنانة منه شلبي، وذلك بعد معاقبتها بالحبس سنة مع إيقاف التنفيذ وتغريمها 10 آلاف جنيها في اتهامها بإحراز جوهر الحشيش المخدر بقصد التعاطي.

وقال «حبيب» عبر «فيسبوك»، قائلا:«فوجئت بناس كتير بتعمل ايموچي ضحك على تعليقات اصدقائي في البوست اللي نزلته من شوية بقول فيه الحمد لله على الحكم في قضية منة شلبي، والموضوع استفزني وماكنتش فاهم ليه، فدخلت اشوف مين الناس اللي فشتها عايمة قوي كده»

رسالة شديدة اللهجة من تامر حبيب

وأضاف: «لقيتهم كلهم ناس ماعرفهومش ومن پروفايلاتهم أي عيل اهبل يفهم الناس دول اتجاهاتهم ايه وقصدهم ايه، فتمام، اضحكوا جامد، على الاقل امتوا بتضحكوا أو بتسخروا من خبر مبهج ومفرح كل البني آدمين اللي تتوفر فيهم مواصفات الانسانية».

واختتم: «و أن شاء الله لما نشوفكم في مصايب وازمات ومحن تحرق قلوبكم وقلوب اللي بيحبوكم، ده لو كان فيه حد بيحبكم أو كنتوا تفهموا اصلًا يعني ايه حب، احنا مش هانضحك، احنا هانقول اللهم لا شماتة، وحسبنا الله ونعم الوكيل».