محمد حماقي: أنا وصحابي كنا بنغني ببلاش عشان الناس تسمعنا

كشف الفنان محمد حماقي، عن كواليس بداياته الفنية، قائلا: «لما دخلت كلية التربية الموسيقية اكتشفت أني هتخرج مدرس موسيقى، فقلت أنا مش عاوز ده، فانطلقت داخل الوسط لغاية ما قابلت طارق مدكور عام 1995 واقتنع بي لما استمع لي، وقال لي خليك معانا عشان ندربك».

وأضاف حماقي في لقاءه مع الإعلامية إسعاد يونس في برنامج صاحبة السعادة على قناة dmc: «كنت عملت باند مع أصدقائي في الكلية وبنغني في جميع المناسبات، وكنا بنغني ببلاش من غير فلوس بس عايزين الناس تسمعنا، ودي مرحلة الغناء اللايف، الغناء الاستديو كان طريقة ثانية ومحتاج تمرين وتجهيز».

حماقي ضيف صاحبة السعادة

واستطرد: «كنت مع طارق مدكور في الاستديو ، لتسجيل أغنية لمصطفى قمر، عمرو دياب، هشام عباس، أدخل أسجل في كل الأغاني، وطارق قال لي عايزك تفضل تغني على المايك لحد ما تغني وأنت حاطط إيدك في جيبك، لأني أول مرة غنيت في الاستديو كنت متوتر جدًا».

وأوضح: «أنا ومصطفى قمر كنا أصحاب، وكان عنده حفلة في الأردن، فقال لي تحب تطلع معايا الحفلة دي، فوافقت وطلعت معاه وكنت مبهور إني سافرت بره مصر في مهرجان كبير وخارج مصر، وفي البروفة كنت متوتر جداً، فجاء واحد من الفرقة وقالي: مالك«، قلت له: الأجواء رهيبة «قال لي:» هتيجي في يوم كمطرب هنا.