أحمد شيبة عن غنائه بعد وفاة أخيه: قعدت أسبوعين ورجعت عشان مصاريفي وأبناءه اللي شغالين معايا

أكد المطربأحمد شيبة، عدم صحة ما أشيع عنه من دفن شقيقه ثم نزوله للغناء في أفراح، قائلا: "اللي يقول عليا كده بعد وفاة أخويا حسبي الله ونعم الوكيل فيه، وأنا قعدت أسبوعين وبعدين رجعت الشغل عشان مصاريفي والناس اللي معايا وأبناءه أخويا شغالين معايا".

أحمد شيبة يتحدث عن شقيقه

وبكى أحمد شيبة، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، خلال حديثه عن شقيقه الراحل قائلا: "ربنا يعلم بيا وأخويا اتخطف مني وهو كان الكبير وعياله موجودين وكان نفسي أعمل معاه كل حاجة وكنت لسه مكلمه قبل وفاته".

وتابع أحمد شيبة: "أخويا مكنش تعبان ولا حاجة خالص وكنا عايشين مع بعض وقبل وفاته وديته المستشفى ومات وولم يعرفوني في المستشفى إلا بعد ما مات بساعة، وكنت مش عارف وقتها أقول لأمي إزاي لأنها مريضة والأخ ميتعوضش".