حسسيه أنه بطل.. نصائح ذهبية من ياسمين عز للزوجات في ليلة رأس السنة: متبقيش فتانة ولا زنانة ومتخليش سيرتكم لبانة .. حطي في جيبه بونبوناية أو ورقة فيها كلمة حلوة

وجهتالإعلامية ياسمين عز، رسائل للزوجات بمناسبة السنة الجديدة منها، قولها: “لازم تحسسي جوزك إنه هيرو وبطل”.

وأضافت الإعلامية ياسمين عز، خلال تقديمها برنامج "كلام الناس" المُذاع عبر فضائية "إم بي سي مصر": “حسسي زوجك دائما أن البيت مفتوح بحسه، وأن تعبه في شغله مش رايح على الفاضي”.

نصائح ذهبية من ياسمين عز للزوجات في ليلة رأس السنة

وأشارت: “بلاش تسأليه وهو نازل أنت رايح فين، الجملة دي لغوها، هيروح فين يعني؟ حسسيه إنك واثقة فيه وعنده مساحة شخصية ومش متراقب، والعبي دور الأم في حياته وادعي له دعوة حلوة”، متابعة: “لو اتخانقتي مع جوزك حطي نفسك على وضع الطيران".

كما وجهت رسالة للستات أخرى بمناسبة السنة الجديدة، قائلة: “متبقيش زنانة وفتانة، ومتخليش سيرتكم لبانة”.

وتابعت:“الحاجه تطلبيها من جوزك مرة واحدة فقط، لو جوزك عملها خلاص، ولو معملهاش تستني يومين وبعدين تفكريه وبلاش زن”.

وأضافت: “اللي بينك وبين جوزك ميطلعش بره حتى لو مامتك، واللي بينك وبين أي حد في الدنيا عادي تقوليه لجوزك، هو الفرعون الكبير مفيش أي سر يستخبى عليه”.

وأردفت الإعلامية ياسمين عز، : “بدل ما تفتشي في جيوب زوجك وتعرفي هو معاه أيه حطي له فيها بونبوناية أو ورقة فيها كلمة حلوة”.

نصيحة ياسمين عز لـ النساء

وأوضحت ياسمين عز: «حولي للصيفي مع الولاد، لكن الراجل يرن ترجعي شتوي، والعيون الشتوية مصاحبة للصوت الشتوي، وإنت بتكلميه ضيقي عينيكي وخليها سهتانة ودبلانة عشان يحس بنوع من البراءة، ولو عندك طفلة صغيرة إتعلمي منها الحركات».

وأضافت ياسمين عز: «لو جمعنا الصوت الشتوي والعيون الشتوية، هتعيشوا حياة فوق فوق فوق، مستحيل أي ست تدخل دماغه وهو عنده كنز شتوي في البيت».

وختمت ياسمين عز كلامها: «ماجدة الرومي غنت للراجل عيناك ليال صيفية، الراجل لازم يكون صيفي في الصوت والأداء، إنت مصرية يعني نفرتيتي أو كليوباترا، يعني فرعونة وهو فرعونك الصغير الكبير».