رامي صبري يهاجم أغاني المهرجانات: نوع مزيكا تحت أوي .. مينفعش يكون رقم 1

كشف المطرب رامي صبري عن رأيه الشخصي في أغاني المهرجانات، وذلك خلال مداخلة هاتفية له في أحد البرامج التلفزيونية.

حيث قال رامي صبري: "في العصر ده مبنبقاش بندور على الجودة وممكن واحد يعمل أغنية بـ 2 جنيه وتضرب، وفي مطربين تانيين بيحصل لهم حالة أنا ليه أتعب وأعمل أغنية وكليب ويطلع حد تاني يعمل أغنية مهرجان بـ 3 جنيه ويعديني".

رأي رامي صبري في المهرجانات

وتابع: "موجة المهرجان هو مزيكا طول عمرها موجودة مش جديدة هو والراب، وكل 20 أو 30 سنة بيحصل في كل المجالات الناس بتحب حاجة فترة وترجع تاني".

واضاف: "والمهرجان مش هيفكرك بأهلك ولا وطنك ولكن هيرقص بس، وأنا مش ضد أي نوع من أنواع الفنون، والمهرحانات فن، هو مش محمد رمضان بيعمل مهرجانات؟ وليه جمهوره والمهرجانات ليها جمهورها؟".

رامي صبري والمهرجانات

واختتم حديثه قائلًا: "أنا أزعل لأن المهرجان مينفعش يكون رقم 1 في مصر، والمهرجان نوع من أنواع المزيكا اللي تحت أوي، وأنا ضد إن أي فنان يقدم المهرجان علشان يطلع تريند وينجح، ومينفعش يقدم الشكل ده ولو نجح مرة مش هينجح تاني".