سلوى عثمان: وضعت بند في عقد جوازي مينفعش أسيب التمثيل

كشفت الفنانة سلوى عثمان عن زيجاتها، كما تحدثت عن حبها لزوجها، وتطرقت بالحديث عن عملها كفنانة وحبها الشديد لمهنة التمثيل.

وقالت سلوى عثمان خلا استضافتها في برنامج كلام الناس التي تقدمه الإعلامية ياسمين عز ويعرض عبر قناة ام بي سي مصر: اتجوزت مرتين والمرة الأولى انفصلت وبعد كام سنة اتجوزت زوجي الحالي وبقالنا 15 سنة متجوزين.

الشغل رقم واحد في حياتي

وتابعت: شغلي بالنسبة لي خط أحمر مع أي حد بتجوزه وبتفق أني عمري ما هسيب شغلي وحطيت بند في عقد زواجي من زوجي الحالي علشان الشغل والمأذون سألني في شرط عاوزة تحطيه في العقد قلت له أني ما أسيبش شغلي.

وأضافت: زوجي الحمد لله حابب الشغل بتاعي ومتفهم، وعارف أني بكون مشغولة في رمضان وساعات بنبات في الشغل وعنده فكر ومحتوي الموضوع، ومع ذلك أنا مش بقصر معاه في البيت مش معنى إني مشغولة ما عرفش حاجة عن هدومة وشغله لكني عندي ترتيب في حياتي أني ما أقصرش.