وفاء مكي لـ«بصراحة»: أنا هموت من الحزن اللي فيا وهروح أعتصم قدام باب النقابة لحد ما أقابل وجه كريم

عبرت الفنانة وفاء مكي عن حزنها الشديد، بسبب سوء الحالة الإقتصادية التي تمر بها في الفترة الحالية، مشيرة إلى أنها بسبب حزنها قد تموت وحالتها الصحية في استياء.

وقالت وفاء مكي خلال لقائها مع موقع “بصراحة”:أنا ببيع بيتي ومديونة يا جماعة، أعمل ايه بـ 3000 جنيه معاش، اتخرب بيتي، يا جماعة شغلوني مش عارفة أعمل اي في الديون اللي عليا.

وأضافت: أنا عارفة إني هموت من الحزن اللي فيا وهروح أعتصم قدام باب النقابة لحد ما أقابل وجه كريم، حرام عليكم معتش عارفة أكل ابني بيتي اتخرب وببيع شقتي عليا نص مليون جنية ديون أتصرف ازاي أكل ابني منين أصرف على علاج أمي منين.

وواصلت: أشرف لو عايز يشغلني هيشغلني، أنا مش وشي مكرمش ولا وحشة أنا لسه زي ما أنا، لازم يكون في رأفة بتاريخنا الفني اللي راح، أنا تعبت بقيت قليلة الحيلة، ولا حول بيا ولا قوة.

وتابعت: لو ابني طلب حاجة مني لعبة أو حاجة من السوبر ماركت بقوله أنت شايف الوضع عامل ازاي أصبر وبيصعب عليا طفل عنده 12 سنة أقوله كده.

وفاء مكي تكشف معانتها في الفترة الحالية

وعن معيشتها في الفترة الحالية، قالت:أنا بلاوية كتيرة وابني 12 سنة بيتعلم ووالدتي تعبانة ومفيش حد من الفنانين بيكلمني ولا حتى النقيب أشرف زكي، مفيش حد بيرد عليا منهم، أنا مديونة للكل عليا فلوس فوق الـ 500 ألف جنية، ساعدوني عايزة أرجع أشتغل شغلانتي اللي مش بعرف أعمل حاجة غيرها”.

وواصلت:” لو هما كلموني هيقولولي على دور صغير وهيرجعوا يقولوا هي رفضت ، ما أنا رفضت عشان الدور مش كويس، أنا هحكم الناس أنتوا ترضهالي أمثل دور صغير؟ بعد تاريخي الفني الكبير؟”.

آخر أعمال وفاء مكي

يذكر أن آخر أعمال وفاء مكي بعد خروجها من السجن، مسلسل الكابوس، الذي عرض عام 2015بطولة غادة عبد الرازق، كريم محمود عبد العزيز، أحمد راتب، بيومي فؤاد، ومن تأليف هالة الزغندي، وإخراج إسلام خير.