سهير جودة لـ«الستات»: لو جوزك بقى سخي زيادة معاكي اعرفي إنه مصاب بإفلاس المشاعر

قالت الإعلامية سهير جودة، إن هناك فئة معينة من الرجال التي يكون لديها إكتفاء مالي كبير، عندما يبدأ في مرحلة السخاء مع زوجته ويترك لها المال بشكل مبالغ فيه، يكون لديه إفلاس في المشاعر تجاه زوجته، وعلى الست أن تنتبه لهذا الأمر، إذا وجدت زوجها يسمح لها بالخروج المتكرر دون اعتراض، ولا يمانع في طلباتها، فهو وصل لدرجة أنه لا يحبها مثلما كان وتبدلت مشاعره.

سهير جودة توجه نصيحة للستات

وأضافت سهير في برنامجها الذي يحمل اسم «الستات» والمذاع عبر فضائية «النهار»، قائلة: «لازم الراجل يتحمل المسئولية سواء بيشتغل شغلانة كويسة او شغلانة بسيطة، وانتي لازم تعيشي على قده، فلوسك اللي بتشتغلي بيها تجيبي بيها الحاجات بتاعتك، وفي الظروف الصعبة دي لو بيشتغل شغلانة على قدة متاخديش مصروف شخصي، وخلي فلوسك دي مصروفك الشخصي».

وأشارت: « لكن لو فضلتي تساعدي في البيت وهو استمرأ وبقى امر واقع هو هينزل من نظرك، هتبتدي تفقدي رجولته، لأنه رغم ان الرجولة مش فلوس أكيد، لكنها سلوكيات من الإحتواء النفسي والمعنوي والمادي، و المسئولية المادية متتكسفيش منها عشان بتشتغلي وخليه مسئول عنها في حدود إمكانياته».