وفاء عامر تنهار على الهواء: أنا تحت أمر مستشفى 57357 في أي طلب أولادنا بتموت بسبب المرض اللعين

انهارت الفنانة وفاء عامر من البكاء خلال مداخلة لهاعبر الفيديو ببرنامج "حديث القاهرة"، المذاع عبر فضائية "القاهرة والناس"، وذلك بسبب افلاس مستشفى 57357.

وقالت وفاء عامر خلال الفيديو:أولادنا يستحقون الأفضل، والعالم كله قائم على التضامن الاجتماعي، وأن دول العالم المتقدم سبقت مصر في تنظيم حملات توعوية للتضامن مع المرضى.

وأضافت:أنا تحت أمر مستشفى 57357 في أي طلب أرجوكم متسمعوش كلام حد أطفالنا بتموت من المرض اللعين ولازم كلنا نتضامن معاها.

عمرو يوسف يدعم مستشفى 57357

من جانبه كان قد دعم عمرو يوسف ايضًا المستشفىفي فيديو له عبر حسابه الشخصي بموقع التواصل الاجتماعي “انستجرام”: “محدش طلب مني اعمل الفيديو ده بس صرح عظيم زي مستشفى 57357 بيقفل، المستشفى دي قائمة بشكل كبير على تبراعتنا، وفي فرع طنطا سمعت إنه قفل، الحقيقي بقالي فترة بسمع إن المستشفى حالتها صعبة جدًا عشان التبرعات قلت، لغاية الموضوع ما زاد فحبيت اتأكد بنفسي”.

وأضاف:”في أزمة اقتصادية وكلنا كنا بنتبرع بس دلوقتي مش قادرين نتبرع مفيش مشكلة نتبرع لو كنت بـ 1000، خليهم 500، مش قادر خليهم 100، حقيقي الجنية بيفرق معاهم اللي تقدر عليه اعمله، أنا عندي تجارب شخصية لو عندي أي زنقة فلوس بطلع وبلاقي ربنا بيبعت على طول جربتها كتير ونجحت”.

وتابع:”وشعهم صعب جدًا دي ناس محترمة وكانت عامله مجهود كبير جدًا ياريت نساعد بسرعة احنا 100 مليون”.