إحنا في خطر مينفعش نخليها تقفل.. شيرين رضا تطلب انقاذ مستشفى 57357 من الإفلاس
حرصت الفنانة شيرين رضا على تقديم الدعم لـ مستشفى 57357، بعد أنباء إفلاسها وذلك من خلال فيديو لها عبر حسابها الشخصي بموقع التواصل الإجتماعي “انستجرام”.
وقالت شيرين رضا: مستشفى 57357 في خطر حقيقي إنها ممكن تقفل، وإحنا مينفعش نخلي ده يحصل.. المستشفيات عايشة على تبرعاتنا، لازم كلنا نتبرع، أرجوكم مينفعش نخلي صرح عظيم زي ده بيعالج أطفال كتير يقفل في يوم من الأيام.
عمرو يوسف يدعم مستشفى 57357
من جانبه كان قد دعم عمرو يوسف ايضًا المستشفىفي فيديو له عبر حسابه الشخصي بموقع التواصل الاجتماعي “انستجرام”: “محدش طلب مني اعمل الفيديو ده بس صرح عظيم زي مستشفى 57357 بيقفل، المستشفى دي قائمة بشكل كبير على تبراعتنا، وفي فرع طنطا سمعت إنه قفل، الحقيقي بقالي فترة بسمع إن المستشفى حالتها صعبة جدًا عشان التبرعات قلت، لغاية الموضوع ما زاد فحبيت اتأكد بنفسي”.
وأضاف:”في أزمة اقتصادية وكلنا كنا بنتبرع بس دلوقتي مش قادرين نتبرع مفيش مشكلة نتبرع لو كنت بـ 1000، خليهم 500، مش قادر خليهم 100، حقيقي الجنية بيفرق معاهم اللي تقدر عليه اعمله، أنا عندي تجارب شخصية لو عندي أي زنقة فلوس بطلع وبلاقي ربنا بيبعت على طول جربتها كتير ونجحت”.
وتابع:”وشعهم صعب جدًا دي ناس محترمة وكانت عامله مجهود كبير جدًا ياريت نساعد بسرعة احنا 100 مليون”.
جوجل نيوز
