«25 عملية في الفكين » ..قصة «رحاب» فتاه في عمر الزهور تعاني من مرض نادر .. والدتها: نفسي بنتي تتعالج وترجع تأكل زي الأول

حالة مرضية نادرة الوجود، تعاني منها فتاه ثلاثنية العمر، تسمي رحاب، وتقطع مسافات بالساعات من سوهاج للقاهرة للعلاج تصل لـ 8 ساعات في الرحلة والواحدة .

رحاب فتاه في عمر الزهور، تبلغ من العمر 30 عام، تعاني من عيب خلقي منذ ولادتها في الفكين ، وأجرت 25 عملية جراحية في مكان واحد، ولم تعد تستطيع الأكل كالعادة ، وتلجأ والدتها لعمل الأكل في الخلاط بعد سلق الطعام، وتجهيز ولتتناوله الفتاه، عن طريق سرنجه، لتسهيل عملية البلع وسهولة التنفس خلال الأكل.

تقول والدة رحاب، السيدة البالغ من العمر الـ 60 عام ، والتي تعاني من أمراض مزمنة منها الظغط والسكر والقولون، أنها تعاني مع ابنتها في مساعدتها على تناول الأكل، وقضاء حاجتها الشخصية ، وأن ابنتها لا تسطتيع عمل أي شئ في حياتها الشخصية،قائلة:" بنتي حياتها واقفه خالص ".

وأضافت والدة رحاب،" أنا اللي بخدمها في أمور حياتها، وخدماتها الشخصية ، وبتأخد السرنجة 50 سم ، وبتأخد بالـ5 وحدات ، ومبتعرفش تأكل أي حاجه ، ومجر التنفس ضاق بسبب العمليات، كل 20 يوم بنسافر من سوهاج للقاهرة عشان العلاج ، على حسابنا ، وبنقعد في الشارع".

وتابعت، " زوجي متوفي من 7 سنين في حادث ، وكان يعمل سائق تاكسي، أنا بشحت على بنتي، والليلة بـ 215 جنيه في الفندق اللي بنبات فيه للعلاج، وملناس غير ربنا والناس المحترمه، ومن هي 4 سنين وبتعمل عمليات ، روحت بيها أسيوط وسوهاج والقاهرة، ومتخليش حد يعمل ليها عمليات عشان هي خلاص مبقاش".

وطالبت السيدة،، "محتاجه قرار على نفقة الدولة عشان تسافر، محتاجه عملية ترجع الفكيين عشان يترجع الفكيين لمكانهم تاني ، عشان تعرف تتنفس وتأكل زي الناس ، ولكن بعد العملية الأخيرة لم تعد تسطيع تأكل شئ ، ولازم تأكل الأكل المضروب في الخلاط عن طريق السرنجة، وطريقة صعبة عشان تأكل بيها، واطلب بطبيب متخصص يستطيع عمل العملية النادرة ".