زيزي عادل: شغلانة الفن كلها حرام .. ومش عايزة أكون متاحة للكل

قالت الفنانة المعتزلة زيزي عادل أنها تركت الفن لأنه يحدث به أشياء خاطئة، وكل ما يحدث به حرام. وأضافت زيزي عادل خلال لقائها ببرنامج «كلام الناس» الذي تقدمه الإعلامية ياسمين عز عبر قناة «mbc مصر»: «الغناء فيه أسس لازم تتعمل علشان أكون مطربة منها إني أعمل فيديو كليب ويكون معايا موديل، وفي كذا حاجة غلط بتحصل، زي كلام الأغنية لأنه سواء فيه حب أو هجر أو عتاب وبيكون فيه تحريك للمشاعر، والفكرة كلها على بعضها حرام».

تصريحات زيزي عادل

وتابعت نجمة ستار أكاديمي: «لما أطلع على الاستيدج لازم ألبس فستان وأتحرك مع المزيكا أكيد مش هقف تمثال، وكان فيه حاجة بتضايقني جدًا في الحفلات مش عندي قدرة ألغيها وأنها أن اللي حاضر بيصورني من زوايا زي ما هو عاوز وبيجيب من الحتة اللي عاوزاها ومش عندي الحق أقول له ما تصورش».

وأضافت: «أنا معرضة أني أتصور على كل موبايلات الناس.. وسألت نفسي ليه أكون متاحة لكل الناس وعلى كل التليفونات.. ليه ماكنش ست قاعدة في بيتي مش متاحة لكل الناس؟ وممكن كل الناس تتفرج على صوري فلقيت أني مش حابة أكون متاحة لكل الناس، وحابة أكون بتاعتي.. وطريقة لبسي اتغيرت وحاولت أكون محتشمة يمكن ناقصني الطرحة وبدعي ألبسها وحلو الواحد».