بالصور.. شذى تحتفل بعقد قرانها على شاب من خارج الوسط الفني

احتفلت المطربة شذى بعقد قرانها على شاب يدعى «وليد» من خارج الوسط الفني، في حفل حضره الأهل والأصدقاء المقربون، وشهد الفنان هيثم شاكر على عقد الزواج.

شذي تتحدث عن تامر حسني

على صعيد آخر حلت الفنانة شذى الأربعاء ضيفة ببرنامج «أنا سعيد» على قناة القاهرة والناس، وكشفت عن الكثير من التصريحات الفنية، وعن سبب خلافها مع الفنان تامر حسني، مشيرة إلى أن سيرته تقلب مزاجها، بحسب وصفها.

وتحدثت شذى عن الصعوبات والضغوطات التي مرت بها خلال الفترة الماضية، مشيرة إلى أن الفنان تامر حسني لم يسأل عنها بعد وفاة والديها، وذلك السبب يحزنها من تامر.

وقالت شذى : «سيرة تامر حسني بتقلبلي مزاجي، وده مش عشان أنا مبحبوش لأ أنا بحبه جدًا، وأنا وتامر عِشرة سنين، ولكن تامر من وقت وفاة والدي ووالدتي مظهرش، ولو ظهر بيظهر كضيف شرف بس، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر وأنا لوحدي». وأضافت :«على المستوى الشخصي والمهني، تامر حسني ضيف شرف في حياتي، خاصة إني بتعرض لأزمات وضغوطات كتير في السوق، ولكن تامر في إيده إنه يصلحلي حاجات كتير أنا محتجاها، وأنا أستاهل ده لأن الصحاب لازم يكونوا ضهر لبعض دايما، خصوصًا لو إنت كنت كويس معاه قبل كده، عشان كده بزعل جدا لما بتيجي سيرة تامر، لأني مكنتش مستنية منه حاجة كنت مستنية يسأل عليا بس».