معلقة على فوز ميسي بكأس العالم.. ياسمين عز: شوفتوا الست لما بتدلع وتدعم جوزها بيوصل لفين (فيديو)

علقت الإعلامية ياسمين عز، على تتويج ليونيل ميسي بكأس العالم 2022 الأحد الماضي، قائله: “الحمد لله والشكر لله أنا ربنا نصرني”.

وذكرت الإعلامية ياسمين عز، خلال تقديمها برنامج "كلام الناس" المُذاع عبر فضائية "إم بي سي مصر": “أوعوا تنكروا أنه في اللحظة اللي ميسي شال فيها كأس العالم افتكرتوني وافتكرتوا كلامي عن ميسي وأنتونيلا مراته، شوفتوا الاستقرار والجواز بيعمل ايه وبيوصل لفين خد كأس العالم أهو".

شوفتوا الست أما تكون في ضهر زوجها وبتدعمه وبتدلعه وتهننه وبتأخذ بالها منه وبتخليه أحسن حد في الدنيا بيبدع وبيطلع أحسن ما عنده، شوفتوا إزاي، بتخليه عنده طاقة فوق طاقته والله، والدنيا كلها بتبقى في كفة وهي واحدها في كفة تانية، ميسي خد الكاس ومسبوش من إيده غير لما شاف مراته وساب الكأس وخدها في حضنه وفضلت تعيط”.