شيرين رضا: لا اؤمن بحفلات الزفاف.. وعمري في حياتي ما لبست فستان فرح
كشفت الفنانة شيرين رضا عن إمكانية احيائها حفل زفاف لـ نجلتها نور عمرو دياب، مشيرة إلى أن الاحتفال بالزفاف سيكون قريبًا، لكن عائلتهم لا تحب الحفلات.
وقالت شيرين رضا خلال لقائها مع et بالعربي: أنا لا أومن بتلك الأمور،أحنا معندناش الأفراح أحنا لا نؤمن بهذه الأشياء، أنا عمري ما لبست فستان فرح، لبست في التمثيل لكن في الحقيقة لا، كل واحد حر يعمل اللي هو عاوزة وهي وأنا مش كده.
وأضافت:متربناش كده دي أفكار شخصية أنا بشوف أن الحفلة الكبيرة فلوسها كتير أوي ليه هما ميستمتعوش بالحاجات دي أكتر من فستان الفرح والقاعة والمصاريف الكتير، كل دا علشان ليلة واحدة ياخدوا الفلوس دي يستمتعوا بيها.
وواصلت:هي مش عاوزة تعمل فرح وأنا عمري ما كنت عاوزة أعمل فرح، هشوف لسه الاحتفال إزاي المهم أن هي وجوزها وأهله وأهلها وأصدقائهم المقربين يفرحوا مش نعزم ناس شفناهم السنة اللي فاتت علشان ميزعلوش ويجوا وينتقدونا دا مش هيحصل.
كواليس مشاركة شيرين رضا دينا الشربيني في حدث بالفعل
وعن مشاركتها دينا الشربيني فيحكاية ولو بعد حين من مسلسل حدث بالفعل، قالت شيرين رضا:إحنا صحاب من زمان ودي فرصة حلوة أننا نشتغل مع بعض تاني، دي مش أول مره نشتغل مع بعض أصلًا،قبل كدا عملنا فيلم اسمه كدبة كل يوم، وليه الناس تستغرب، ولم أتردد ولا ثانية ولما قالولي دينا الشربيني قولت طبعا لأننا معندناش فرصة نقابل بعض في الحياة.
وتابعت: كل واحدة مشغولة وإحنا بنقعد مع بعض في نفس الكارافان وبنغير وبنعمل ميكب مع بعض، ولما عرضوا عليا أمثل لوحدي حكاية مستقلة في مسلسل حدث بالفعل رفضت وحبيت أكون مع دينا الشربيني.
وعن شخصيتهما في العمل، قالت: هنكون أنا ودينا الشربيني أخوات في المسلسل اللي بيدور في قصص حقيقية من ملفات لأطباء نفسيين والقصص مفزعة ومش عارفة إمتى هيتعرض ولكنه هيكون قريبًا وخارج الموسم الرمضاني وإحنا بنصور آخر حلقة وهنخلص الجزء الأول لأن العمل له أكتر من جزء.
جوجل نيوز
واتس اب
جوجل نيوز
