جليلة محمود عن محمد فاضل: دايمًا بيخلي زوجته فردوس عبد الحميد البطلة وكلنا بنخاف منها

كشفت الفنانة القديرة جليلة محمود حقيقة ظلم المخرج الكبير محمد فاضل لها، ولـ فنانات جيلها، وذلك خلال لقائها مع الإعلامية ياسمين عز ببرنامج “كلام الناس”.

ووجهت ياسمين عز سؤالًا لـ جليلة محمود:”محمد فاضل ظلمك وظلم جيلك كتير بسبب فردوس عبد الحميد؟”، لترد جليلة:”انا عاصرت الاستاذ محمد فاضل وهو مكنش بيفرق.

وأضافت:”لكن في النوة كانت فردوس عبد الحميد البطلة وكنا بنخاف منها ونحترمها وشايفين أن هو بيهتم بيها اكتر لكن لما بتشوفي العمل بعد كده بتشوفي ان العمل نجح بينا كلنا”.

وفاة ابن جليلة محمود

من جانبه كانت قد انهارت الفنانة القديرةجليلة محمودمن البكاء بعد سؤالها عن الأزمات التي تعرضت لها من الحسد، مشيرة إلى أنها لا تحب الحديث عن ذلك بسبب فقدانها لنجلها.

وقالتجليلة محمودخلال لقائها ببرنامج “كلام الناس”: أنا بترعب من الحسد كان عندي ابني ومات من الحسد، كلمة اتقالت وتليفون جه ابنك عمل حادثة وللأسف كان راجل اتقالي في وشي أنت معاكي صبيان إيه قولت 3 صبيان وبنت، فراح قالي "اه ما أنتي اللي زيك يجيب صبيان"، بعدها بالظبط جالي تليفون إن ابني اللي عنده 18 سنة مات وراح، فمن وقتها مش بحب أبين ولادي ولا أوري صورهم لحد.

وأضافت: حياتي مش ملكي ملك ولادي ولما بشوف طفل أقول الله أكبر وأخاف واقول ولادي، لحد ما اتصابت أنا وابني اتحسد واتوفى، وفيفي عبده في ساعاتها بصتلي بصة وكانت حاسه إن الراجل حسد ابني، ومكنتش أعرف إن الشخص ده عينه وحشه.