إنجي علي توجه نصيحة للسيدات: بطلوا تضغطوا أزواجكم وتطلبوا أكتر من قدراتهم

قالت الإعلامية إنجي على أنها ضد المساواة بين الرجل والمرأة التي تطالب بها السيدات، مشيرة غلى أن السيدات في هذا الوقت اخذن حقهن «تالت ومتلت».

أنا ضد المساواة بين الراجل والست

وأضافت إنجي على في تصريحات تليفزيونية: «أنا ضد المساواة بين الراجل والست، وأنا النهاردة شايفة إن ده أحد الأسباب اللي عمل خلل في المجتمع، موضوع إن الست طول الوقت بتطلب المساواة، والستات النهاردة أخدوا حقهن تالت ومتلت على جميع المستويات، ده من وجهة نظري وده رأيي، الحياة كلها آدم وحواء من بدء الخليقة».

وتابعت «علي»: «بقول للستات اللي بيضغطوا على أزواجهم وبيطلبوا أكتر من قدراته يهدوا شوية والكلمة الحلوة بتفرق إحنا بقينا بخلاء حتى في الكلمة، وأقوى ست في العالم هي الست المصرية، لأنها ملهاش مثيل في أي حاجة، والناس بتحب الرجل المصري وخفة دمه».

تصريحات إنجي علي

ولفتت إنجي على: «نزول الست للشغل بيخليها تهبش في أي حد بسهولة، وده حصل معايا لأني كنت شخصية خجولة ومبقدرش أقول لأ، لكن نزولي الشغل واحتكاكي بـ فئات مختلفة علمني إني أواجه».

وتابعت: «أنا بحب الناس ومقدرش أعيش من غير الناس، وربنا إداني نعمة كبيرة جدًا وهي نعمة الأصحاب، وأنا بشوف دايمًا إن اللي عنده أصحاب كويسين في الزمن ده يبقى محظوظ».