الرئيس السيسى: الدولة تعمل بكافة القطاعات ..وبنحاول نعمل شبكة طرق تناسب الـ 100 مليون

قال الرئيس عبد الفتاح السيسى إن الدولة تعمل فى كافة القطاعات، مضيفا: "الدولة شغالة فى القطاعات المختلفة.. لا تغفل قطاع.. اتصالات وتعليم وصحة وزراعة وصناعة.. مفيش قطاع مش شغالين فيه.. من هقول الإعلام مش بيغطى ده ولا غطوا كويس.. هقول للناس بطلوا ترددوا الكلام اللى بيترمي".

وأضاف الرئيس السيسى، خلال كلمته فى افتتاح محور التعمير الجديد بالإسكندرية: "كل المعلومات والبيانات متاحة على موقع مجلس الوزراء والوزارات المختلفة وفق الإنجازات التى تتحقق فيها.. لو دخلت على النقل هتشوف.. وعلى موقع رئاسة الجمهورية.. توقفوا عن أن دولة توفر مليون فرصة عمل زيادة ازاى وبكام.. ده مش بنخوف بعض.. ولما طلبت من الدكتورة هالة السعيد بيخوفنى انا ولما بنجتمع بحضور الدكتور مصطفي.. قولتها ما تخوفوش الناس.. احنا مش بنخاف واحنا معانا ربنا وده أقصى حاجة ممكن نعملها".

وأكد الرئيس السيسي،أن شبكة الطرق قبل توليه منصب رئيس الجمهورية، كانت تخدم 20 أو30 مليون، ولذلك كانت لا تلبي تنمية، وتابع: اللي بنعمله ده بنحاول نعمل شبكة طرق تناسب الـ 100 مليون لمدة عشر سنين جايين كمان.

الرئيس السيسي يفتتح محور التعمير

جاء ذلك خلال كلمة الرئيس عبد الفتاح السيسي، في افتتاحمحور التعميربالإسكندرية، صباح اليوم الإثنين،الذي يمتد بطول ٣٥ كم من تقاطعه مع طريق القاهرة / الإسكندرية الصحراوي حتى طريق سيدي كرير / مطار برج العرب، بواقع ٩ حارات مرورية لكل اتجاه.

وأوضح السفير بسام راضي المتحدث الرسمي لرئاسة الجمهورية، أن محور التعمير الجديد يعتبر إضافة ونقلة نوعية ضخمة من شأنه أن يفتح آفاق تنموية جديدة لمنطقة غرب محافظة الإسكندرية بكاملها ويزيد من حيزها العمراني، ويربط ميناء الدخيلة بالطريق الصحراوى والطريق الدولي الساحلي ومدينة برج العرب، وليصبح شرياناً تنموياً حيوياً لربط الإسكندرية بمدينة العلمين الجديدة عبر الطريق الساحلى.