عمرو أديب ناعيا مفيد فوزي: كان مستفزًا في السؤال الصحفي وأنا كنت بناكفه ولمض معاه

حرص الإعلامي المصري عمرو أديب على نعي الصحفي الكبير مفيد فوزي، الذي رحل عن عالمنا صباح اليوم الأحد الموافق 4 ديسمبر عن عمر يناهز 89 عام بعد صراع مع المرض.

نعي عمرو أديب لمفيد فوزي

وقال أديب خلال برنامجه الحكاية المذاع عبر قناة Mbc مصر الفضائية: لم يعد لدينا صحافة قوية، إمتى آخر مرة شوفنا حوار قوي، أو مقال مؤثر، أو كاراكتير يقلب الدنيا زي اللي كان بيعمله صلاح جاهين، كانت الدنيا تتقلب بمقالات مصطفى أمين وأحمد بهاء الدين، فأين الصحافة اليوم».

وتابع:«89 عامًا رحلة طويلة، ويوم ما تفقد حد زي مفيد فوزي تقول اتعلمنا، وأنا من الناس اللي بتحب اتعلم، أما أشوف حاجة اتعلمها، أنقشها، أعمل زيها، ومتكسفش أقول تعلمت من حاجة أو كتابة أو أسلوب، امتى أضع النقط والفصلة، وكان دايمًا يقولي إيه كل العنوان ده يا حبيبي».

وأضاف: «كنت بقاوح معاه وأناكفه في شغلنا سوا، لكن طبعًا اتعلمت منه وكان لي الحظ بالتتلمذ على يديه».

واختتم حديثه قائلًا: مفيد فوزي كان صحفيًا وحرفيًا وعظيمًا، من غير اتفاق أو اختلاف، كان حرفيًا من الدرجة الأولى، عملت مع الأستاذ مفيد فوزي صحفيًا ومذيعًا، ولي الحظ إني قعدت جنبه في تقديم البرامج وهو كان مستفزًا في السؤال الصحفي وأنا كنت بناكفه ولمض معاه»