الرئيس السيسي لـ أهالي الدقهلية: أنا راجل بسيط وأنتوا جبرتوا بخاطري النهاردة

قال الرئيس عبدالفتاح السيسي، خلال حديثه مع المواطنين على هامش تفقده نادي شربين الرياضي بالدقهلية اليوم: «أهل الدقهلية جبروا بخاطري النهاردة في كل مكان روحته».

قال أحد الحاضرين: «إحنا في حلم والله، إننا نقعد مع سيادتك وجها لوجه»؛ ليرد الرئيس: «أنا راجل بسيط خالص، وربنا اللي أراد إني أبقى هنا».

وقالت إحدى الحاضرات: «عاش الرئيس عبدالفتاح السيسي، وكل سنة وأنت طيب، إحنا النهاردة عيد يا ريس في المحافظة وعيد لكل مصر، ومش مصدقين إننا معاك، وربنا يحميك ويعينك، وكلنا ضهر ليك يا ريس».

ليرد الرئيس: «أما المرأة تتكلم كلنا لازم نسمع».

الرئيس السيسي يتفقد نادي شربين

من جانبه تفقدالرئيس عبد الفتاح السيسي، رئيس الجمهورية منذ قليل نادي شربين الرياضي، وأجرى الرئيس السيسي حورًا مع الأطفال.

ووجه الرئيس السيسى رسالة إلى الناشئين قائلا لهم " المهارات هي الأساس في كرة القدم إلى جانب اللياقة البدنية الهائلة"، مضيفا أنهم سيلعبون في المدينة الأوليمبية بالعاصمة الإدارية الجديدة.

وقال طفل للرئيس السيسي أنا عمري ما كنت أتوقع أقابل حضرتك، وهوعد حضرتك إن شاء الله نصعد كأس العالم.

ليرد الرئيس السيسي على الطفل: أنا علي عيني يا بني إني آجي وأقابلك كل يوم، وعن كأس العالم، الأماني جميلة ولكن لازم جهد مننا كل ولازم نكون على قلب رجل واحد.

وقال طفل من نادي شربين الرياضي في حديثه للرئيس السيسي: هل ممكن أنا أبقي زيمحمد صلاح؟

ورد الرئيس السيسي، علي الطفل قائلًا: عاوز تبقي زي محمد صلاح شوف عمل إيه في حياته.. لازم تتعب وتشغل.. ومفيش حاجة بالساهل ومفيش حاجة ببلاش.. وصلاح نموذج عظيم.