سكرتير الموسيقيين: ويجز لازم يوقع على قرارات النقيب لـ إحياء حفلات.. وهدفنا الحفاظ على اسم مصر |خاص

علق أحمد أبو المجد سكرتير نقابة المهن الموسيقية، على تصريح مطرب الراب ويجز بشأن قرارات النقابة الذي أدلى بها في أحد اللقاءات أمس، مشيرًا إلى أنه حتى الآن لم يتم الإطلاع على تلك التصريحات.

وقال أحمد أبو المجد في تصريح خاص لـ”بصراحة”: ويجز لن يحيى حفلًا غنائيًا بعد 1/12 لو مجاش النقابة ووقع زي زمايله على قرارات النقيب مصطفى كامل، إحنا كل هدفنا إننا نحافظ على اسم مصر والفن والذوق العام.

وواصل:احنا سمحنا ليه في الاجتماع لانه كان خارج مصر، ومروان بابلو كان بيعمل حاجة تبع مؤتمر المناخ في شرم الشيخ، فعشان كده سامحنى لكن لازم يجوا النقابة يوقعوا على القرارات، وبصراحة الرأي العام بيدعم القرارات والاعلام بيدعم القرارات لإن إحنا بنحافظ على الذوق العام ده هدفنا.

وأضاف: كلام ويجز عن قرارات النقابة في لقائه أمس هيتم مناقشته ومراجعته من قبل أعضاء النقابة وسيتم اتخاذ إجراء لكن حتى الآن مفيش أي إجراء ضده.

ويجز يعلق على قرارات النقابة

في وقت سابق كان قد علق مطرب الراب الشهير ويجز عن قرارات نقيب المهن الموسيقية الفنان مصطفى كامل الأخيرة، بشأن قراره بالإلزام بوجود فرقة موسيقية في الغناء بالحفلات.

وقال ويجز خلال لقائه معMBCTrending:معنديش مشكلة أطلع فرقة، لكن مش ده اللي الناس بتحضر الحفلة عشان تسمعه، ومش حاسس إن الناس خدت وقتها عشان تدرس القرار اللي قالته.