سهير جودة: التطنيش بيخنق الست والعطاء المفرط يعلم الاخرين السرقة

قالت الإعلامية سهير جودة، إن الستات دائما ترى أن الرجل هو صانع محتوى قلب الحقائق، ولا يهتم بها ، مشيرة أن هذه النظرية تنطبق على عدد كبير من الرجال وليس جميعهم، فهم أشخاص غير تنفيذية.

وأضافت سهير في برنامجها الذي يحمل اسم «الستات»، والمذاع على فضائية "النهار"، قائلة: "التنطيش هو تكبير الدماغ اللي بيعمله الرجل، بيكون مش عارف تفاصيل ولاده في سنة كام، وميبقاش عارف الالتزامات اللي عليه، والرجل بينزعج جدا لما الست تقوله هات طلبات او ارمي الزبالة".

وتابعت سهير جودة: «لو جوزك من نوع الرجالة اللي بتنطش متحسسهوش أنك تقدري تنجزي الأشياء وتقومي بكل المهام، لأنه هيبتدي يتعود على كدة، لازم تعوديه أن الحياة مشاركة، هو بيساعدك في أشياء وانتي بتساعديه في أشياء أخرى، فالعطاء المفرط يعلم الاخرين السرقة، لكن مش معنى كدة انك تتمردي عليه».