ابنة شقيقة إلهام شاهين عن المشاهد الجريئة: يعني إيه سينما نظيفة .. أنا مبخافش وهعمل مشاهد جريئة

كشفت إلهام صفي الدين عن رأيها في مصطلح "السينما النظيفة" وتقديم المشاهد الجريئة وقالت: ما معنى السينما النظيفة، في كل مجتمع ثقافة محددة وكل شعب تربى على أفكار وممنوعات هذا طبيعي عندما يكون الشخص مقتنعا بشيء وكبر عليه لن يستطيع تغييره، لكن أنا لا أخاف، مضيفة: ومينفعش الفن يبقى متقيد.

وتابعت :” الفن إحساس أحنا كبشر بنتحكم في تفكيرنا لكن معندناش تحكم في إحساسنا، مينفعش تقولي أنا عاوز الحالة دي لكن في ممنوعات، لازم الدنيا تكون متفتحة الفن دوره أن يفتح دماغ الناس بدل ما الناس تقفل عليه، بالنسبة لي حابه أعمل كل حاجة، ولو أنا شايفة أن في مشهد أو حاجة في السياق الدرامي وفي الكتابة والرسالة هقدمها لكن لو هي ملهاش لازمة مش هعمله”.

إلهام شاهين تدافع عنابنة شقيقتها

ودافعت الفنانة إلهام شاهين، عن قبلة ابنة شقيقتها، قائلة: "بستغرب أننا ننتقد بوسة في الفيلم مع أن القبلات موجودة في أفلام الستينيات والسبعينيات، في الوقت اللي بنشوف فيه القتل والعنف والدبح والاغتصاب وداعش ومش بنزعل".

وأضافت: "ليه بنكره الحب ومش بنفرح به وندافع عنه؟ وبقول لصناع الفيلم شرفتونا بفيلمكم اللي بيمثل مصر في أكبر مهرجانات العالم وبقول لإلهام ابنة شقيقتي أنا مطمنة عليكي وعلى مستقبلك".