بعد إلهام شاهين.. منى عبد الغني تعلن تبرعها بأعضائها بعد الوفاة

أعلنت الإعلامية منى عبد الغني تبرعها بالأعضاء بعد وفاتها، وذلك بعدبرنامجها "الستات مايعرفوش يكدبوا"،المذاع على قناة سى بى سى.

وقالت منى عبد الغني:كان نفسى أعمل الفكرة دى، ولكن تيسيرها فى الوقت الحالى سهل من الموضوع.. من أحياها كأنما أحيا الناس جميعا.. وبعد ما تطلع الروح خلاص كده والأعضاء ممكن تفيد ناس تانى.

واضافت:لابد من توضيح الشخص المتبرع أن من ضمن وصيته التبرع بالأعضاء.. وأنا قولت على الهواء هتبرع بالأعضاء بعد الوفاة لمساعدة الناس.

إلهام شاهين تتبرع بالأعضاء بعد الوفاة

من جانبه كانت قد كشفت الفنانةإلهام شاهين، أنها ستتبرع بأعضائها بعد وفاتها، مشيرة إلى أنها وثقت تبرعها في الشهر العقاري، وبلغت كل أقاربها وأخواتها بذلك.

وقالتإلهام شاهينخلال لقائها عبر فضائية “الشمس”:وثقت في الشهر العقاري أني متبرعة بأعضائي، ومبلغة إخواتي، وأنا أول واحدة ناديت بذلك وقبلي نادى بهذا الموضوع دكتور خالد منتصر، والأعضاء دي هتموت معانا يعني هتخلص، ليه محدش يستفيد بيها؟ ترحمه من الآلام والعذاب، تخليه يعيش الفترة اللي هيعيشها بدون ألم.

وواصلت:الأعضاء دي هتموت معانا يعني هتخلص، ليه محدش يستفيد بيها؟ ترحمه من الآلام والعذاب، تخليه يعيش الفترة اللي هيعيشها بدون ألم.

وأضافت:الأكيد إن ربنا مش ممكن يحرم شيء إنساني يرحم البشر من الألم، لا يمكن أصدق، في أشياء العقل والمنطق نفكر بيها، إيه اللي هيضر الإسلام بعد ما يموت إن تتاخد الأجزاء دي، أنا خلاص مت هعمل بيهم إيه؟ أي شيء إنساني يساعد الآخرين لازم يكون حلال.