والد ياسمين صبري: والدة ياسمين مكنتش موجودة وانا اللى ربيتها

كشف الدكتور أشرف صبري والد الفنانة ياسمين صبري عن تفاصيل وأسرار عن حياة ابنته الشخصية وفترة المراهقة التي مرت بها.

وقال صبري، خلال لقائه مع برنامج "قعدة ستات"، مع الإعلامية مروة صبري، المذاع على شاشة "القاهرة اليوم": "والدة ياسمين مكنتش موجودة خالص ودائما يا في الكويت يا في إنجلترا، وكانت بتيجي أسبوعين في الشتاء وأسبوعين في الصيف، وكنت أقعد أقرأ كتير في علم النفس علشان أتعلم اتعامل مع بنتي كويس وأدخل في حياتها حتى في حياتها الخاصة، فكنت دايما أقولها متخبيش عني حاجة لو بتحبي حد قوليلى وأنا هنصحك وإنتي اختاري".

وأضاف أشرف: "ياسمين وهي في الكلية كان ليها قصة حب مش مرتاح لها خالص، وكانت بتيجي تحكيلي وتعيط وتقولي أنا اعمل إيه أنا بحبه، وكنت بقول لها قوليله كذا، وأنا كنت لازم أسمع وأجي على نفسي كأب، علشان مفيش أم وكنت خايف تروح مني، لأن حياتي مشحونة بعملي، وكنت قلقان إنها تتخطف في حتة ما بقاش مرتاح لها".