ياسيمن عز: الست الواعية هي اللي تعرف تتعامل مع ضرتها وتخرج من الشهر ده بأقل الخسائر وأكثر المكاسب

وجهت الإعلامية ياسمين عز، عدة نصائح للزوجات، لكيفية التعامل مع الزوج خلال منافسات كأس العالم التي ستقام في قطر، ومن المقرر أن يبدأ من 20 نوفمبر الجاري وحتى يوم 18 ديسمبر المقبل.

وقالت ياسمين عز في برنامجها كلام الناس على قناة MBC مصر، إنه يجب على الزوجة الانتباه للحالة النفسية الخاصة بزوجها خلال فترة المونديال، مؤكدة أن كرة القدم ستكون ضرة الزوجة، موضحة: «الست الواعية هي اللي تعرف تتعامل مع ضرتها وتخرج من الشهر ده بأقل الخسائر وأكثر المكاسب».

وأضافت ياسمين عز خلال الحلقة: «مع بداية الماتشات كل يوم الساعة 12 الضهر، جوزك يلاقي الفشار والحاجة الساقعة والريموت وكل حاجة متظبطة، أثر ده على نفسيته هينعكس عليكي بعد كده».

وواصلت ياسمين عز كلامها: «المخرجين في كأس العالم بيركزوا على البنات الحلوة في المدرجات، لو جوزك بص للشاشة وابتسم ده معناه إنه مبسوط بالحدث ككل، مش إنه معجب بالست اللي في المدرج، ولو قلتي لجوزك اقفل عينك لما الكاميرا تيجي على بنت حلوة هيقفل منك».