محمد رمضان مروجا لـ اغنيته الجديدة "لو ناسيين أفكركم": ربنا بيحب الإنسان الطماع .. والملحن صادق عادل يتهمه بسرقة لحن الأغنية .. ويؤكد: أغنية محمد رمضان نازلة بصوتى من ٤ شهور .. ده نصب وأنا عايز حقي

يواجه الفنانمحمد رمضانأزمة جديدة بعد اتهامه بسرقة لحن أغنيته الجديدة «لو ناسيين افكركم» التي طرحها عبر قناته الرسمية على يوتيوب مساء الخميس.

وكتب الملحن صادق عادل عبر حسابه الشخصي على فيس بوك: «هام جدا جدا.. أغنيه النجم محمد رمضان الجديدة لو ناسيين افكركوا من ألحانى ونازلة بصوتى من يوم 7/11 اللى فات يعنى من ٤ شهور والكل يقدر يسمعها قبل ما يقفلوها عشان وصلى معلومات إنهم بيحاولوا يقفلوها دلوقتى».

واضاف صادق عادل: «المهم إنى اتفاجات إن مكتوب في التتر إن الأغنية من ألحان الأخ شريف عبادة ودى فضيحة وسرقة علنى، مش لأنه مش ملحن الأغنية، لأنه مش ملحن أصلا وأنا بتحداه يغنى اللحن بصوته أصلا».

وتابع: «أنا عايز حقى وبطلبه بكل أدب واحترام، ياريت كل الناس تساعدني أوصل صوتى واجيب حقى من المدعو شريف عباده لأن أعتقد إن النجم محمد رمضان وشركة روتانا تعرضوا للنصب مستحيل يكونوا على علم بالسرقة العلنية دى والله أعلم».

وواصل صادق عادل: «أتمنى من كل أصدقائي الصحفيين متابعة الموضوع ومساعدتى على أخد حقى بكل الطرق المشروعة.. وده لينك الغنوة للي حابب يسمعها».

محمد رمضان يروج لـ اغنيته الجديدة

وحرص الفنان محمد رمضان على الترويج لـ اغنيته الجديدة “لو ناسين أفكركم”، التي من المقرر طرحها في تمام الساعة الخامسة مساءا على قناته الرسمية بموقع الفيديوهات الشهير “يوتيوب”، بطريقة مختلفة ومثيرة للجدل.

شارك محمد رمضان فيديو له عبر حسابه الرسمي بموقع تبادل الصور والفيديوهات انستجرام، قال فيه: لو ناسيين أفكركم النهاردة الساعة 5 على يوتيوب.. كنت في قاعدة وبقول إن ربنا عز وجل بيحب الانسان الطماع وربنا قال في القرأن ادعوني خوفا وطمعا، رد حد قال طمعك ده محدش هيسمع بيه ومهما كبرت هيحاولوا يقصصوا جناك"، وبعدها شارك مقطع من أغنيته الجديدة أتى فيه: “ماليش جناح تقصوه”.

وتابع محمد رمضان كاشفا عن تفاصيل الأغنية: “بيشاركني فيه الأغنية المطربة الجميلة شاهيناز، ومن كلمات فهيم الشندي، وانتاج روتانا”.