لبلبة: يوسف شاهين حبني أوي وكان بيختارلي أصعب المشاهد

حضرت النجمة لبلبة، ندوة تكريمها المقامة حاليا ضمن فعاليات مهرجان القاهرة السينمائى فى دورته 44 بالجائزة.

وكشفت لبلبة خلال الجلسة الحوارية عن موقف جمعها بالراحل يوسف شاهين, فقالت:خالد يوسف كلمني وأنا بصيف في الساحل الشمالي، فروحتله تاني يوم، ولبست واتشيكت على أساس إنه مشهد زي اللي بعمله على طول فـ يوسف شاهين كان هناك فقالي اي ده.

وأضافت: قالى مش عايزك كده شابه أنا عايزك تعملي دور بهية، وهخليكي عجوزه خدي السيناريو، اقرأي متروحيش واقعدي في المكتب اللي جنبي، يوسف شاهين حبني أوي، وكان بيختاري أصعب مشهد.

كما كشفت الفنانة لبلبلة عن بداية مسيرتها الفنية، وذلك خلال ندوة حوارية لها في مهرجان القاهرة السينمائي الدولي بدورته 44، والمقام في مسرح النافورة.

وقالت لبلبة خلال حوارها مع المخرج أمير رمسيس: ابتديت ابان في الفن وأنا عمري 3 سنين، وكنت بقلد عمتي كانت بتمشي زي البطة.. حتى بتاع الفول.

وواصلت: امي لاحظت ان الطفلة دي غير اخواتها.. لما كان عندي ٥ سنين روحت مع والدتي مسابقة للهواه.

وعن سر في حياتها الشخصية قالت لبلبة: أنا خجولة جدا وأنا طفلة مكنتش خجولة، كنت بزعق مع الكل.