عيب شكلك وحش.. شقيق ياسمين عبد العزيز يعلق على أزمة منع هند عاكف من دخول مهرجان القاهرة

علق الفنان وائل عبد العزيز شقيق الفنانة ياسمين عبد العزيز، على أزمة منع الفنانة هند عاكف من دخول حفل افتتاح مهرجان القاهرة السينمائي في دورته الـ 44.

وقال وائل عبد العزيز عبر حسابه الشخصي بموقع التواصل الاجتماعي فيسبوك:يعني ايه تروح مكان أنت مش معزوم فيه وتصر أنك تدخل وتعمل مشكله! والله دي لو الجنة على الارض ما ادخلها لو مش موجهلي دعوة رسمية.

وأضاف:ده الواحد بيجيله الدعاوي وبيفكر يروح أصلا ولا ميروحش، شيء في منتهي قله الذوق وشكلنا وحش قوي عيب بقي.

طرد هند عاكف من مهرجان القاهرة

من جانبه كانت قد تصدرت الفنانة هند عاكف مؤشرات البحث جوجل في الساعات الأخيرة، بعد سوء التفاهم الذي حدث من تنظيم حفل افتتاح مهرجان القاهرة السينمائي بدورته الـ 44.

وفي أول تعلق لـ هند عاكف، قالت في تصريح خاص لـ”بصراحة”: كان في سوء تفاهم وأنا الدعوة بتاعتي نسيتها، والمنظمين كانوا عايزين الدعوة قولتلهم إني نسيتها، فأصريت طبعا إن أنا أدخل أنا بحضر من أيام سعد الدين وهبة وقولتلهم مش هينفع هدخل، فالحمد لله الإدارة اتدخلت، ودخلت بعدها الحمد لله.

وأضافت: بس ده سوء تفاهم هو اللي عمل المشكلة ومينفعش مدخلش المهرجان.. المهرجان ده ملك لينا كلنا، فمش معقولة بعد أنا لبست وجيت المهرجان عشان نسيت الدعوة أروح.

وعن حقيقة أن سبب منع دخولها هو الفستان، قالت هند عاكف: الفستان الناس أشادت بيه، وأستاذ حسين فهمي، ومصطفى فرح جدًا كل اللي يشوف الفستان بقى يقولي فين صورتي، الفستان ده من تصميم خالد فتحي، والمهندس محمود عفيفي الانطباع، وحسام وفيروز وحمدي، بقالي 6 شهور بجهز فيه، الماكير حنان أحمد، والكوافير سيد عزت.