عمرو أديب: داخلين على أيام سودة ولما قلت الكلام ده من شهرين قالوا عليا بومة

قال الإعلامي عمرو أديب، إن الأيام المقبلة ستكون صعبة جدًا، لافتًا إلى أن حرب روسيا وأوكرانيا مستمرة منذ 260 يومًا، وأدت إلى حالة من الحالات الصعبة.

وأضاف خلال تعليق ببرنامجه «الحكاية»، المذاع عبر فضائية «MBC مصر»، مساء السبت: «يتحدثون إننا داخلين على الأيام الطين، إحنا داخلين على أيام سودة، ولما قلت الكلام ده من شهرين قالوا إني بومة».

ونوه بأن «حرب روسيا وأوكرانيا أكثر حرب إقليمية يتمنى العالم أن تنتهي»، مضيفًا: «العالم متأثر بحالة صعبة وتضخم ومشكلات، المخازن في العالم مليانة، وبدأت ريحة الركود والكساد تكون واضحة، وكبرى الشركات في العالم تستغني عن العمالة الخاصة بها بنسب تتراوح من 10% إلى 60%».

وأشار إلى أن طلبة الجامعات يقفون أمام بنوك الطعام، رغم وفرة الغذاء والأراضي الزراعية، مستطردًا: «بنوك الطعام في بريطانيا مش ملاحقة على الناس اللي مش لاقية تاكل، ونسبة كبيرة لا تأكل في اليوم سوى وجبة واحدة».

وتابع: «العالم كله متنيل، في مصر أزمة وكل مكان أزمة، لكن المقارنة أنك تتحدث عن دولة بريطانيا زراعية وصناعية وفضائية وتكنولوجية وتجارية، لكن الحرب دي خربت العالم، وبيبوسوا إيد الممرضات عشان ميعملوش إضراب في بريطانيا.. هناك مفيش لا طبطبة ولا حنية».

وتوجه بنصيحة للمواطنين: «نصيحتي صادقة ناخد بالنا من مصاريفنا، لو سمحت متعملش أي شيء غير ضروري، لأن الأيام المقبلة صعبة جدا،عاوز تصرف يا باشا عيش وفرتك، لكن كمواطن عادي خد بالك من النور والمياه والغاز والاستهلاك والعيش.. القرش على القرش هيفرق في الفترة اللي جاية».

هل كان حد يتخيل إن في أوروبا ممكن يبقى التلفزيون يناقش ليه مهم إنك ما تستحماش كل يوم!».

وأضاف: «بره بيقولوا لهم دش واحد يكفي، تخيل بقى أنا لو قلت لكم هنا دش واحد يكفي، هتعملوا فيا إيه، حتقولوا ليا يا ندل يا للي عندك 4 إدشاش في البيت، يعني بتستحمى كم يوم وكم مرة».

وتابع أديب: «أنا مش بكلمك عن مصر، بره عندهم كميات بحيرات وأنهار وأمطار تكفيهم ليوم الدين، بس هما بره مش بيهزروا».