مروة الأزلي: طليقي الثاني كان متجوز اتنين غيري وبيخونا إحنا التلاتة

كشفت الفنانة مروة الأزلي عن تفاصيل زواجها وطلاقها بعد مرور عام واحد على ارتباطها من شخص خارج الوسط الفني، مشيرة إلى أن سبب الطلاق أنها اكتشفت زواجه من أخرتين خارج مصر.

وقالت مروة الازلي خلال استضافتها ببرنامج «نص الكلام» على قناة «النهار»: «تزوجت لمدة سنة، وكانت المرة الثانية للزواج وإلى حد ما كانت تشبه قصة حب، ولكن ليست مثل قصة الحب الاولي، لكنه كان خائن بطريقة رهيبة، وطلقت بسبب اكتشافي لزواجه من أخرتين، واحدة في لندن وواحدة في دبي».

وأوضحت: «إحنا الثلاثة منعرفش، واكتشفت لم عملت اختراق على تلفونه، والاختراق ده عشان هو اصلا خائن، كنت على طول امسكه بيخوني مش قصدي على جوزاته اللي من ورايا ولكن ده غير الجوازات ولكن مع ناس تانيين بيخوني معاهم وكنت بمسكه، ومن كثرة الخيانات دي عملت هاك على موبايله».

وأضافت: «يعني لو اتصور صورة على موبيله تجيلي ولو حد بعتله رسالة بتجيلي، وأكتشفت من هنا انه متجوز، ولم عرفت في حد قريب منه قالي على الجوازة التانية، وبلغت واحدة منهم انه متجوز واتطلقت إلى هي انا اكتشفتها، ولم واجهته، قالي ده حلال مش حرام، ولو قولتلك هتبعدي عني وأنا كدا بحافظ على علاقتنا».