يوسف الحسيني يسخر من فيديو تحريضى لــ علاء عبد الفتاح: يمكن مش صوته أو الكلام لـ كائنات فضائية غيرت شكلها

عرض الإعلامي يوسف الحسيني، مقطع فيديو يظهر خلاله علاء عبدالفتاح يسئ للمؤسسة العسكرية، قائلًا: "الجيش والشعب ايد واحدة وده معناه أننا هنقطع ايد الجيش التانية، والداخلية لازم الكل يساعدهم، فنجيب الداخلية نوريهم الشغل ازاي".

وتساءل الحسيني خلال برنامجه " التاسعة" المذاع على القناة الأولى المصرية، " يمكن ده مش صوته، أو دي كائنات فضائية غيروا شكلها بقت شكل علاء وبعد كده اختفت من على الكوكب!".

واستنكر الحسيني، الكذب البواح وإدعاء البطولة وإدعاء العمل السياسي، وأن علاء يريد للبشر حياة أفضل، متسائلًا " حياة أفضل إزاي بحرقهم وشتيمة مرتاتهم وأمهاتهم وانشاء تنظيمات مسلحة لاغتيالاتهم، هي دي الحياة الأفضل!؟؟".

وتابع: ليلى سويف والدة علاء نشرت منشور على مواقع التواصل الاجتماعي، يتضمن رسالة موجهه لزعماء العالم، مفاداها إن الإنسان أغلى ما نملك، "يتحدثون دائما عن الحرية، وانطلاقا من كلام دكتور ليلى، هوهو، إذًا من يحرض على الإنسان، يجب أن يتعاقب والذي يحرض على اغتيال وحرق الانسان، يتعاقب، واللي بيحرض على حرق المؤسسات يتعاقب".

وأضاف الحسيني متسائلًا "اللي بقوله كلام غريب على أي عقل عادي أو على أي نفس بشرية فطرتها سليمة، مهو اللي هيقولي لأ وفيها ايه هيكون عنده مشكلة نفسية ده بجد او عنده مشكلة وطنية ده حقيقي".