قالولي غير مرحب بيك.. المطرب أحمد سالم يكشف سبب منعه من الغناء مع أصالة بالأوبرا

كشف المطرب أحمد سالم الشهير بالمطرب النقاش سبب استبعاده من الغناء مع الفنانة أصالة في حفلها بدار الأوبر المصرية، الذي أقيم خلال فعاليات مهرجان الموسيقى العربية.

قال أحمد سالم خلال برنامج “الحكاية”، الذي يقدمه الإعلامي عمرو أديب عبر قناة mbc مصر، متحدثا عن الفيديو المتسبب في شهرته : “كنت عامل الفيديو بتاعي في دبي، كنت شغال هناك من سنيتن، وبعد السنتين لقيت الناس بتقولي انت تريند، ودا توفيق من ربنا”.

وتابع: “بعدها رامي جمال دعمني ووقف معايا وبنعمل اغنيتين دلوقتي”.

وتطرق أحمد سالم بالحديث عن كواليس استبعاده من حفل المطربة أصالة في دار الأوبرا المصري، فقال: “قالولي هتطلع في مهرجان الموسيقى بحفل الختام ومكنتش مصدق اني هقف جنب أصالة، روحت وعملت البروفة، ويوم الأربع الساعة 8 جالي تليفون من مكتب أصالة وقالولي عندك مشكلة في الأوبرا”.

واستكمل حديثه: “روحت أشوف المشكلة في الأوبرا فقالولي غير مصرح بيك ومحدش بلغنا، كنت عامل البروفات جوة الأوبرا فاستغربت لأن محدش قالي على الورق، الحاجة دي كانت هتفرق معايا كتير وقولتلهم اي المطلوب مني وأنا أعمله، رفضوا وقالولي مش هنعرف نبلغ بيك حد دلوقتي، كلمت مكتب أصالة وقالولي لو فيه جديد هنكلمك”.

واختتم حديثه: “أنا عملت فيديو بعد الحفلة مع خلصت بعد أسألت الجمهور الكتير، وقولت السبب ليه اني مطلعت وبعد كده لقيت اللي حصل ده، أنا طول الوقت بدندن وأنا بشتغل، والغناء دا مزاج عندي”.