أحمد زاهر لـ«بصراحة»: مهنتنا صعبة وبنيجي على نفسنا فيها.. ولم أقصد الإساءة للدكتور أو المهندس

تعرض الفنان أحمد زاهر للعديد من الإنتقادات بعد تصريحاته مساء أمس عن صعوبة مهنة التمثيل وأن عدد ساعات العمل كبيرة، وذلك خلال لقائه عبر فضائية الحرة.

وتواصل موقع “بصراحة” مع الفنان أحمد زاهر لتوضيح مقصده من تصريحاته، وقال زاهر:كل مهنة وليها مصاعبها أنا لا قولت التمثيل اصعب من المحاماة ولا الدكترة، أنا متكلمتش ولا خصيت حد، يعني أنا مقدرش أروح أعمل عملية وأشتغل فيها 36 ساعة أنا اقلق، لأنه مش هيقدر مخه مش هيقدر.

وواصل: أقسم بالله أنا في أوردر كلام على ورق على جبل في عز التلج أنا وقفت 36 ساعة لأن كان لازم ديكوري يخلص ومينفعش في دي مسؤولية وكان لازم دوري يخلص، فقعدت 36ساعة كنا بنموت، أنا لا قصدي حاجة ولا قصدي أعيب في حد ولا قصدي أضايق حد مني، مش فاهم ليه كل ما انطق يعملوا كده، أنا بفكر مطلعش في برامج تاني، أنا كل ما بنطق كلمة الاقيهم ياخدوها بجدل وأقوايل والناس تطلع تتكلم، هو أنا مفيش نجوم غيري في 500 ألف نجم غيري أحسن وافضل مني اتكلموا عليهم.

أحمد زاهر يرد على الإنتقادات

وتابع: الناس اللي بتحاول تلعب في كلامي دي عيب، أنا مقدرش أغلط في أي مهنة كل مهنة بتخدمنا، إحنا من غير الفلاح منقدر ناكل ومن الغير الجزار منعرفش ناكل لحمة، ومن غير الدكتور منقدرش نعيش، كل مهنة وليها استفادة في المجتمع، أنا بتكلم إن في مهنتنا فيها صعوبات وبنقعد فترة كبيرة اكتر من أي مهنة تانية، مجبتش سيرة حاجه تانية والله.

وأختتم أحمد زاهر قائلًا: إحنا بنيجي على نفسنا في التمثيل عشان خاطر الديكور يخلص والمخرج، في أيام معينة بنضر نعمل كده، أقسم بالله أنا مسلسل سوشيال اللي عملته ما في يوم من التصوير قعدت فيه أقل من 22 ساعة، ويسأل المخرج والمنتجة في هذا اليوم الأقل كان 20 أنا بحب شغلي وبحب التمثيل وباجي على نفسي علشانه.