ياسمين عز: سهل عليا أريح الزبون بس هبقي بوشين ومش راضية عن نفسي

علقت مقدمة البرامج ياسمين عز على الانتقادات الموجهة لها بسبب تصريحاتها حول خدمة الأخت لأخيها.

قالت ياسمين عز: "بعد تصريحاتي عن ضرورة خدمة الأخت لشقيقها، الدنيا اتقلبت، لدرجة أن كوباية الشاي وصلت لأنها أصبحت من أكثر الكلمات بحثا على جوجل مصر خلال الأيام اللي فاتت".

وتابعت: انا مابتكلمش غير في الأصول واللي اتربينا عليه، واللي بقوله أدامكم على الهوا هو اللي بعمله في بيتي، ومش مضطرة اني اغير قناعاتي، مع أنه من السهل والأريح لي إني أقول زي المثل الشعبي (أريح الزبون)، وأشوف الجمهور عايز يسمع ايه واقول له، ولا هبقى راضية عن نفسي واحس ان انا بوشين.