ياسمين عز حول علاقة الأخ والأخت: المفروض تجيبي له جرس في البيت لما يرن تحضري الشاي

علقت مقدمة البرامج ياسمين عز على الانتقادات الموجهة لها بسبب تصريحاتها حول خدمة الأخت لأخيها.

قالت ياسمين عز: "بعد تصريحاتي عن ضرورة خدمة الأخت لشقيقها، الدنيا اتقلبت، لدرجة أن كوباية الشاي وصلت لأنها أصبحت من أكثر الكلمات بحثا على جوجل مصر خلال الأيام اللي فاتت".

وأضافت: عايزة اعرف يا جماعة إيه المشكلة لما اقول أن الأخ لما يطلب من أخته كوباية شاي تقوم جري تعملها له، ايه الغريب في الكلام دا يا جماعة؟ أنا عايشة معكم على الكوكب، انا بنيتي الصافية وبكل عفوية، والكلام جاب بعضه، أنا تخيلت اني لما أقول كدة، هتقولوا دا لو جاب جرس يرن بس وانا اقوم جري اعمل له الشاي، معروفة أن الأخت حبيبة أخوها، وهو بيعتبرها أمه الصغيرة، أنا مش بتكلم عن الضراير ولا عن الزوج، أنا بتكلم على أخوكِ.