أنغام لـ بهاء سلطان: أنا من جمهورك وبحب صوتك أوى.. والأخير يرد: دا ليا الشرف والله

حل النجم بهاء سلطان، اليوم الخميس ضيفاً على برنامج "أنغام" الذى تقدمة الفنانة أنغام على قناة dmc، للحديث عن أحدث أعمالة الغنائية.

وعبرت الفنانة أنغام عن حبها للنجم بهاء سلطان وقالت:" أنا من جمهورك، وبحب صوتك أوى، وأنت من الأصوات المفضلة بالنسبالى، وبقعد أعيد وأزيد فى الأغانى بتاعتك عشان أستشعر حلاوة الغنوة".

وكشف النجم بهاء سلطان عن حبه لأغانية، وقال:" أنا بردوا بحب الأغانى بتاعتى وبقعد أعيد فيها خصوصًا أغنية وحدانى".

وأضاف قائلاً:" أنا ليا الشرف بشهادة الناس ليا وحبهم للأغانى بتاعتى، وخصوصًا شهادة حضرتك ليها معزة خاصة فى قلبى".

وقالت أنغام:" أنا استغربت لما لقيتك زمان غنيت كورال مع شخص معين، وخصوصصا إن صوتك طاغى ومميز، الكورال ده عايز حد صوته معندوش شخصيه"

أما عن إكتشاف النجم بهاء سلطان قال:" أخت الفنان حسام حسنى، كانت زميلتنا فى الكلية، وكانت بالنسبالنا حاجه كبيرة جدًا، وقالت إنها مش عايزة تغنى كورال، وقتها كان النجم حسام حسنى بيعمل فريق كورال، روحت وقعدت معاه واختارنى أنا، وبدأنا نسجل مرات كتير ورا بعض كورال بقا، وجات فترة كنا بنعمل شريط أغانى للأستاذ مصطفى كامل، فسمعنى وقتها وأشاد بيا وعرفنى على الأستاذ نصر محروس وأخدت منه موعد ووحت سجلت معاه ومن هنا أبتديت أتعرف".