أحمد زاهر: كنت خايف على بناتي يفضحوني في الوسط الفني.. ولكن بعد نجاحهم في عمر وسلمى بدأوا يطلبوا كتير

كشف الفنان أحمد زاهر، عن سبب دخول بناته في الوسط الفني، مشيرًا إلى أنه كان لا يحب ذلك ولكن الفنان تامر حسني أصر على إكمالهم بعد النجاح في “عمر وسلمى”.

وقال أحمد زاهر خلال لقائه عبر فضائية الحرة:عمري ما فرضت بناتي على الوسط الفني وتامر حسني هو اللي اكتشفهم ومربيهم على أيده، وقولت لتامر حسني وقتها أنا خايف عشان بيتقال عليا ممثل شاطر يفضحوني.

وواصل: ولكن هو رد عليا وقالي والله هما موهبين، ولكن هما بعد نجاحهم في عمر وسلمى بقوا بيتطلبوا في أعمال كتير وهما موهبين فعلا، عشان كده كملوا والواسطة ما بتنفعش.

أحمد زاهر يكشف صعوبات الوسط الفني

من جانبه كان قدأعرب الفنان أحمد زاهر، عن حبه الشديد لمهنة الفن، مشيرًا إلى أن تلك المهنة خطرة جدًا، ويواجهون العديد من الصعوبات خلال تصويرهم المشاهد.

وقال أحمد زاهر خلال لقائه عبر فضائية الحرة: أول ما بقرأ العمل بحس أن الشخصية دي استفزتني، والتمثيل إحنا بندمر نفسيتنا بيه،لأن المشاعر ممكن تموت الناس فممكن تموتي من الزعل وبتعيشي نفسك في مشاعر معينة 13 أو 14 مشهد فالجهاز العصبي عندنا بيدمر.

وأضاف:أنا صورت 36 ساعة في مسلسل، هاتي لي دكتور أو مهندس او قاضي أو أي مهنىة يقدروا يشتغلوا على رجلهم الساعات أنا آسف ماحدش يقدر لأن شغلتنا أصعب مهنة في التاريخ.

وواصل:الناس فاكرة إننا بنهزر وبنشرب شاي ولكن إحنا أخطر شغلانة ممكن تدمر أي يني آدم لأننا بندمر مشاعرنا وأحاسسينا، وشخصياتي اللي باختارهالو الشخصية هتعلم مع الجمهور هعملها حتى لو من غير فلوس، أساس أي حاجة موهبة وبعدها بتيجي الخبرة والدراسة ومذاكرة الشخصية.