كارمن سليمان: والدي ووالدتي متطلقين ولما جم ياخدوا رأيي قبل ما ينفصلوا قولتلهم اتفضلوا

كشفت الفنانة كارمن سليمان، عن بعض الأسرار في حياتها الشخصية، متحدثة عن علاقة والدها ووالدتها، مشيرة إلى انهما منفصلين منذ فترة طويلة بسبب وجود العديد من الخلافات.

وقالت كارمن سليمان خلال لقائها مع أنس بوخش:وعلاقتي مع والدي ووالدتي كانت حلوة.. هما دلوقتي منفصلين من قريب فلما جم خده الخطوة دي وسألونا بالنسبة لاختي فرح كان الموضوع صعب ومكانتش متقبلة الموضوع أوي.

وأضافت:بالنسبالي أنا قولتلهم اتفضلوا، قالولي انتي مش متضايقة قولتلهم عشان انتم مش متفقين، وأنا هما دلوقتي علاقتنا حلوة جدا، وأنا اتجوزت بدري وأنا عندي 22 سنة كنت طفلة شوية، وميزة الموضوع ده إن مفيش فرق كبير بيني وبين زين ابني.

كارمن سليمان: ندمانة على زواجي في سن 22

وواصلت: في حاجات كتير معشتهاش لوحدي زي إن أنا أسافر لوحدي اتفسح.. يمكن لو مكنتش اتجوزت كان موضوع السفر ده محصلش لأن أ،ا أصلًا مش من القاهرة أنا من محافظة الشرقية، فالمدينة الصغيرة دي عمر ما أي طفل فيها هيفتكر أنه يسافر لوحده بس لما روحت برنامج ارب ايدل بقيت أقدر أقول أنا عايزة أسافر عشان بقى عندي شغل ودخل.

وتابعت: بشوف إن الجواز لازم يكون في سن الـ 26 أو 27 سنة، والراجل ميتجوزش قبل سن الـ 30، ومش بأيد الزواج المبكر.